«عايش على قفايه».. سحر في دعوى نفقة: كل شوية يخوني مع واحدة شكل
قصة حب نشبت بين سحر وجارها التي حلمت بأنه يكون هو شريك حياتها ومن أجل تحقيق هذا الحلم تغاضت عن أفعال كثيرة منه أثناء فترة الخطوبة حتى تساير أمرها وظنت أن الحياة تختلف في عش الزوجية ويكون المقابل التي تناله هو حياة سعيدة مع حب حياتها ولكن في الحقيقة كان المقابل خياناتها.
سحر في دعوى نفقة: كل شوية يخوني مع واحدة شكل
وظنت في البداية أنها مجرد خيانة عابرة ولكنها لا تعرف أن هذا يكون حياتها العادية التي يعتريها خيانات لا تعد ولا تحصى طوال 38 عامًا، استهلت سحر رواياتها: "كان بينا قصة حب كبيرة وكنت مبسوطة إني خلاص هتجوز الراجل اللي حبته رغم إن كان في الخطوبة بيعمل حاجات معايا كانت الناس كلها بتقول لي إنتي ازاي تعديها، وأنا كنت بعدي وبعمل نفسي عبيطة عشان كنت بحبه".
كل شوية يخوني مع واحدة شكل
بمجرد دخولها عش الزوجية وجدت حياة غير الذي حلمت بها، زوج مهمل لا يراعها مع خيانات مستمرة وفي كل مرة كانت تعطيه فرصة أخرى ولكنه كان يضيعها، ظلت على هذا الحال لمدة 38 عامًا بالكامل من أجل أولادها التي تعطيهم كل وقتها لتربيتهم تربية سليمة بعيدًا عن والدهم الخائن.
تابعت الزوجة: "في أول الجواز قفشته بيكلم بيخوني وبيكلم واحدة في التليفون كلمته وقال لي خلاص مش هعمل كدا تاني وأخر مرة، وأنا مرضتش أعمل مشكلة وقلت خلاص أكيد مرة وهتعدي بس في الحقيقة معدتش وبقيت اقفشه كل شوية مع واحد شكل".
أضافت سحر: "المشكلات بينا كلها بقت بسبب خياناته اللي ملهاش أول ولا أخر، لحد ما زهقت وبقيت اعتبربه مش موجود وبقيت أركز مع عيالي بس عشان اربيهم كويس، ونزلت شغل لما لقيته خلاص رمى توبتي انا والعيال وبقا ميعملش حاجة غير إنه يدور وراء الستات".
بياخد مرتبي ويصرفه على نزواته
لم تلتفت لزوجها الخائن والتفت لأولادها وتربيتهم حتى كانت هي المتحملة لكل مصاريفهم دون ان تحتاج منه شيء ومع ذلك لم يتركها وبدأ يأخذ مرتبها الشهري لينفقه على نزواته، استكملت سحر: "بقيت اعتبره مش موجود وانا اللي كنت بصرف وكنت لما بقوله عايزه فلوس للعيال يقول لي مش انتي بتشتغلي اصرفي انتي، دا غير الفلوس اللي كان بياخدها مني عافية عشان يتسرمح بيها ويصرفها على الستات اللي بيخوني معاهم".
أنهت رواياتها: "مبقاش معايا فلوس اصرفها على العيال عشان بياخد مني المرتب أول بأول، مقدرش استحمل بقى وروحت رفعت قضية نفقة عشان مش عارفة أخد منه حق ولا باطل"، ولا تزال الدعوى منظورة بمحكمة الزنانيري.
تابع أحدث الأخبار عبر
