ولاء في دعوى خلع: فتح علينا أنبوبة البوتجاز وعايز يموتني أنا والعيال
معاناة تعيشها "ولاء" مع زوجها المدمن التي لم تعتمد عليه في أي شيء فكانت هي الأب والأم للأولاد، أما الزوج فكانت الأولوية في حياته لكيفه الذي ينفق عليه كل أمواله بدلاً من مراعاة متطلبات أولاده الثلاثة.
ضرب مبرح تتعرض له الزوجة كل يوم ولكنها كانت تتغاضى عن كل هذا من أجل المحافظة على عش الزوجية، وفي النهاية كانت دعوى الخلع هي وسيلة نجاتها بعد ما حاول قتلها هي والأولاد عن طريق فتحه غاز الانبوبة.
صبرت الزوجة 15 عام لعل الأمور تتحسن ولكنها كانت تزداد سوءً مع مرور الوقت بطريقة جعلتها يفيض بها الكيل وتلجأ لدعوى خلع، بدأت ولاء تروي قصتها قائلة: "كان جارنا واتقدم لي والخطوبة مطولتش خالص، وأول لما اتجوزنا بدأت أحس معاملته معايا غريبة جدًا بس مكنتش عارفة السبب وكنت بحاول دايمًا أهدي الدنيا".
أضافت: "بقا يمد إيده عليا وبقى عصبي وعلى طول روحه في مناخيره، اتخانقنا كتير بسبب عصبيته اللي أنا مش فاهمة سببها أصلا، غير إنه بقى عايز يقعد على القهوة طول الوقت ومش عايز يقعد في البيت خالص".
15 سنة عايشه معاه في عذاب
علمت الزوجة أن سبب الخلافات الأساسي هو اتجاه الزوج للمخدرات التي جعلت حياتهما بائسة بسبب ضربه وإهانته لها طوال الوقت، سئمت من أسلوبه الذي يزداد في الغرابة يوم بعد يوم وأصبح يتصرف تصرفات غريبة نتيجة تغيب عقله الذي كانت المخدرات السبب في ضياعه، وأضافت: "عرفت إنه بيشرب مخدرات ولما جيت أكلمه قال لي أنا بشرب كل فترة مش كتير، قلت خلاص طالما مش هيأثر على البيت بس بقى كل فترة ألاقيه زاد في الشرب اللي خلى عقله مش موجود وبيضربني بأي حاجة في إيده".
تابعت: "العيال كمان بقى بيضربهم لو طلبوا منه أي حاجة، فضلنا على الأسلوب دا كتير ومع كل خناقة يقولي خلاص هتعدل وهبطل بس ولا حاجة بتتغير بالعكس الدنيىا بتبوظ أكتر".
فتح غاز الأنبوبة وعايز يموتنا
في كل مرة كانت تطمح الزوجة عيش حياة هادئة مستقرة مثل أي زوجين ولكن الزوج كان مصر على خراب المنزل، حاولت الزوجة تهدئة الأوضاع من أجل المحافظة على المنزل ولكن في المرة الأخيرة وبعدما أراد قتل الزوجة والأولاد عن طريق غاز الأنبوبة، تابعت الزوجة: "عقله طار خالص من المخدرات اللي بيشربها، كل مرة كنت بعدي الموضوع لما بيضربني، بس أخر خناقة لقيته جاب الأنبوبة وفتح الغاز وقالي هموتك انتي والعيال وفتح الأنبوبة بجد لولا إني صوت والجيران جت كنا روحنا فيها".
اختتمت قصتها: "خدت العيال ومشيت ورفعت عليه قضية خلع على طول ومش عايزة منه حاجة كفاية إن أنا والعيال عايشين الحمدلله".
تابع أحدث الأخبار عبر
