منال في دعوى خلع: فشلت أعالجه من إدمان المخدرات
18سنة من العذاب والقهر والإهانة عاشتها منال مع زوجها مدمن المخدرات، عاشت من أجل تربية أطفالها الثلاثة على أمل أن ينصلح حال زوجها ويبعد عن طريق المخدرات لكن كل محاولاتها في إنقاذه من الإدمان باءت بالفشل، حتى انتهى بها الحال في محكمة الأسرة لترفع دعوى خلع ضد زوجها.
في سن العشرين تزوجت منال زواج تقليدي، ومن أول سنة بدأت المشاكل بينها وبين زوجها، كانت معظم مشاكلهما من البداية على المصاريف فكان الزوج يرفض أن يعطي منال أموال كافية بالرغم من أنه مقتدر ماديا ومن عائلة غنية، في كل مرة كانت تطلب منال من زوجها مصاريف لها ولأولادها يرفض زوجها ويصل به الأمر لضرب زوجته عند طلبها أبسط حقوقها.
سيبت جوزي بعد 18 سنة عذاب
قالت منال أمام محكمة الأسرة: "عيشت مع جوزي 18 سنه، سيبت كل حاجة ومشيت لما زهقت وتعبت من حياتي معاه، الحياة كان كلها مشاكل لكني عيشت عشان ولادي وعشان أعرف أربيهم، حياته وفلوسه كلها كانت على المخدرات، لما كنت بحاول أكلمه وأقنعه إنه يتعالج كان بيرفض ويضربني ".
تابعت منال والدموع في عينيها : "لجأت لأهله عشان حد يلحقني بس محدش كان بيساعدني وبياخدو صفه ويقفو معاه، لحد ما إبن خاله جوزي عرف ان جوزي بيشرب مخدرات لأن وقتها جوزي كان بيستلف فلوس من الناس كلها عشان المخدرات ودي طبعا كانت حاجة عيب في حقهم، ودخل جوزي المصحة لمدة تلت شهور وكنت عايشة مرتاحة وهو مش موجود".
ظنت منال أن الحياة ابتسمت لها وأن زوجها سيتعافى وتصبح حياتهم طبيعية لكن بعد خروج زوجها من مصحة الإدمان عاد مرة أخرى للمخدرات وعاد سلوكه السيئ من ضرب وإهانه لها ولأبنائها حتى فاض الكيل بمنال وقررت أن تترك زوجها.
منال:زهقت من جوزي
أضافت منال: "اكتشفت إن خلاص مفيش فايدة وخفت على مصيري أنا وولادي، مشيت عشان ألحق نفسي أنا وولادي، أنا بشتغل وبصرف على ولادي ورفعت على جوزي قضية نفقة لكني باخد فلوس منه بالعذاب، هو مبيحضرش جلسات الخلع، ومبيحاولش يشوف أولاده".
قالت والده منال حزينة على حال ابنتها:" بنتي اشترت نفسها هي وعيالها وسابته عشان تنقذهم".
تابع أحدث الأخبار عبر
