باعني أنا وابنه عشان الفلوس.. هناء لقاضي المحكمة: أخته دفعتله عشان يطلقني
تدخل مستمر من قبل الأهل كان السبب في نشوب الخلافات بينهما من بداية الزواج، حاولت الزوجة التأقلم على حياتها ولكن كان التدخل يزداد يوما بعد يوم والمشكلات تتصاعد كل فترة ووصل الأمر إلى إقناع شقيقته بالطلاق منها من أجل أموال تعطيها له وبالفعل وافق الزوج على خذ الرشوة وطلق زوجته وتخلي عن بيت الزوجية وهدمه.
حياتنا بايظة من أول الجواز بسبب أهله
تم الانفصال بناء على رغبة شقيقة الزوج بعدما اعطته رشوة مقابل اتمام الطلاق، ومن بعد الانفصال والزوج يرفض إنفاق مليمًا واحدا على ابنه ما دفع الزوجة لرفع دعوى نفقة، وبدأت هناء تسترسل قصتها قائلة: "من أول الجواز واحنا طول الوقت خناقات بسبب تدخل أهله ليل ونهار وأنا جبت أخري بسببهم وكنت برضوا بقول معلش استحمل عشان الواد".
تابعت: "حتى لما كان ميدنيش فلوس مكنتش بعمل مشاكل عشان أعدي الدنيا وكنت أنا اللي بصرف في أوقات كتير وكنت مستحملة عادي بس تدخلات أمه واخواته بتزيد والمشاكل اللي أنا عايشة فيها ليل ونهار".
اخته هي اللي خربت البيت ورشوته عشان يطلقني
زادت لمشكلات والخلافات بينهما بسبب التدخل المستمر لأهله، وكانت تحاول في كل مرة مجاراة الأمور من أجل استمرار عش الزوجية ولكن شقيقة الزوج كان لها رأي أخر وكانت أول الناس التي تريد خراب عش زواجهما وظلت تحاول في ذلك حتى نجحت، أضافت هناء: "اخته كل شوية تحاول تخليه يطلقني بس كل مرة كانت بتفشل بس عشان هي متجوزة واحد غني وعايشة في السعودية وعارفة برضوا إن أخوها كلب فلوس وبيحب الفلوس زي عينيه، رشته واديت له فلوس عشان يطلقني".
تابعت: "مكنتش فاكرة إنه هيبعيني بسهولة كدا، بس للأسف طلقني وخد الفلوس ومن ساعة ما اتطلقنا وهو ميعرفش حاجة عن ابنه ولا حتى بيبعت له أي فلوس، كلمته كتير عشان يبعت له مصاريف وهو كل مرة يقول لي مش معايا".
توجهت هناء لمحكمة الأسرة ورفع دعوى نفقة بعدما باعها زوجها هي وابنها الوحيد في أول محطة وجد فيها نفسه أنه الكسبان.
تابع أحدث الأخبار عبر
