«قلبه حجر»| ندى في دعوى نفقة: "اتهمني بحرق ابني عشان ميصرفش على علاجه"
حياة زوجية مستقرة لأكثر من أربع سنوات مع زوج يكافح في عمل من أجل الحصول على مصروفات بيته، وكانت الزوجة هي أول شريكة له في محل المكواة، حيث كانت تقف بجانبه طوال النهار تساعد زوجها بنفس راضية ولكن لم تتمر هذه السعادة طويلًا وتحولت حياتهما بعدما رأت الزوجة رجل قاسي القلب لا يريد الإنفاق على علاج ابنه الذي كان ضحية طاسة زيت بسبب اعتقاده أنها السبب وراء حرق ابنها.
بدأت ندى تروي معاناتها مع زوجها وكانت أول كلماتها قائلة: "واقفة جمبه من ساعة ما اتجوزنا وكنت بشتغل معه في محل المكواة اللي فاتحه وأساعده في الكوي وأغسل معه سجاد وكنت بعمل معه كل حاجة"، أوقفت ندى حديثها للحظات شردت في أصعب يوم مر عليها في حياتها وتابعت: "في يوم كنت عند امي وابني كان معايا وكنا بنعمل أكل وأنا مش واخدة بالي وقع طاسة الزيت على وشه ونص جسمه، مكنتش عارفة أعمل غيه وأنا شايفه ابني قدامي بيصرخ من الحرق اللي مالي جسمه".
زوج عديم الرحمة
أضافت: "جرينا أنا وامي على المستشفى عشان الحق ابني وقعد يومين عشان كانت الحروق صعبة أوي وطول اليومين دول مجاش يشوف ابنه ماله، جيت رجعت على البيت وطبعًا في نظامك للكريمات اللي بحطهاله عشان الحروق جامدة".
ظنت الزوجة أنه عندما يرى ابنه في حالة لا يحسد عليها يرق قلبه عليه كأي أب ولكن في الحقيقة أنها تفاجأت من ردة فعله وأنه يتهمها بأنها هي السبب في حرقه، هنا كانت بداية المشكلات بينهما بسبب انعدم الرحمة لدى الزوج ورفضه إنفاق جنيهًا على ابنه.
مش راضي يصرف جنيه على علاج ابنه
تابعت “ندى” وعلامات الصدمة تملأ وجهها بسبب قساوة الزوج قائلة: "كل لما أقوله هات فلوس عشان اجيب العلاج لابنه يقول لي أنا مليش دعوة مش أنا اللي حرقته، أهلي لما شافوه كدت خدوني وبقا أبويا هو اللي بيصرف علي أنا وابني، حتى لما أبويا بيجي يقول له هات فلوس عشان ابنك يقول له لا مش هدفع جنيه واحد".
قررت ندى اللجوء لمحكمة الأسرة ورفع دعوى نفقة على زوجها عديم الرحمة منذ 5 شهور ولا تزال القضية منظورة في المحكمة حتى الآن.
تابع أحدث الأخبار عبر
