نادية في دعوى نفقة: جوزي كان عاوز يموت بنتنا عشان الجن طلب منه
في سن الـ18 وقعت «نادية» في حب «أحمد» وحلمت دخول القفص الذهبي مع من اختاره قلبها وعندما وجد أهلها ابنتهم متمسكة بالشاب وافقوا على زواجها منه واستمر زواجهما لمدة 3 سنوات ووجدت نفسها في أول عشريناتها والحياة أمامها على أعتاب محكمة الأسرة مع أمها وابنتها.
تحول حلم الزواج لكابوس
ظنت نادية أن الحياة الجميلة التي تخيلتها مع خطيبها قبل الزواج ستستمر لبعد الزواج لكن من أول يوم زواج تحول زوجها لشخص أخر وتحول حبهم لألم مستمر قالت نادية عن زوجها وحكايتها معه:" كان جواز عن حب، المشاكل معاه بدأت من الصباحية لما لقيته بيكلم ست تانية ولما سالته قالي بكلم واحدة وهروح اتجوزها و ضربني، اتصدمت جدا في الشخص اللي اختارته ومتوقعش إنه يعمل فيا كدة، مقدرتش اتطلق منه في أول الجواز عشان كلام الناس بس كنت عارفة إني مش عايزة اكمل معاه لكني حملت بسرعة وفضلت معاه عشان خاطر بنتي".
تابعت نادية والحسرة في عينيها:" حتى أهله كانت معاملتهم معايا صعبة كانو بيقطعو هدومي، بيحطو صابون قدام الباب وانا حامل عشان أسقط ويرموا كلور على هدومي، كانو عاوزين عفشي عندهم و ياخدوا حاجتي من ورايا وهو مكنش بيقف معايا وكان بيقف معاهم ، عشت معاه 3 سنين معظمهم غضبانه عند أهلي من كتر المشاكل".
نادية" جوزي كان عاوز يدبح بنتي عشان الجن والاثار"
تابعت نادية:" من قريب طلع في دماغه أن في أثار تحت البيت وعايز يحفرعشان يلاقيهم، جاب واحد نصاب بيقول إنه شيخ و كان بيحضر جن في البيت عشان يلاقوا الآثار، خدت بنتي ومشيت لما سمعتهم بيقولو انهم عاوزين يدبحو بنتي عشان الجن".
كانت والدة نادية معها في المحكمة لتقدم لها العون والمساعدة وكي لا تترك ابنتها وحيدة وكان من الواضح عليها الأسى والحزن على ابنتها وعلى ما وصل له حالها.
قالت أم نادية وهي تحبس دموعها:" في أول الجواز مكنش عاوزني اشوفها خلاها تسع شهور متجيش عندي رحت عملت مشكلة عشان اشوف بنتي وهي حامل لأني خفت على بنتي".
تابعت أم نادية قائلة:" كان بيضربها بسبب ومن غير سبب، كان عشان يتفسح ويسافر لوحده يضربها ويغضبها أخر مرة فتحلها وشها 15 غرزة كسر صباعها لما عرفت انه بيضربها وبيعمل حاجات غلط في البيت مقدرتش إني أضحي ببنتي عشان خاطر أي حاجة، مردتش أنها تكمل معاه طلقتها منه بالمحكمة، ودلوقتي رافعين عليه قضية نفقة عشان يصرف على بنته".
تابع أحدث الأخبار عبر
