«كيد نسا والزوج آخر من يعلم».. وليد: "خلعتني واتجوزت على سريري"
على غير المشهد المعتاد، فهناك رجال على أعتاب محكمة الأسرة يعتري وجوههم الحزن والحسرة بسبب سنواتهم الضائعة مع زوجات ظنوا أنهن العوض لهم عن سنوات التعب والشقاء، لكن في الحقيقة كانوا هن سبب شقائهم، فمثل «وليد» الذي أخذ صدمة عمره في زوجته التي خلعته وتزوجت رجل آخر في شقة الزوجة أثناء العيش معه.
وليد: "خلعتني واتجوزت على سريري"
سنة كاملة يعيش فيها وليد كذبة بسبب زوجته التي انعدم داخلها أي إحساس وخلعت الزوج دون علمه وتزوجت من رجل أخر في شقة الزوجية، بسبب أنها لا تمتلك مسكن آخر وقررت تنفيذ فعلتها السوداء.
بقالها سنة مش عايزة تبات معايا في أوضة واحدة
"ست معندهاش دم ولا دين عشان تعمل كدا في جوزها، سنة كاملة وهو فاكر إنها مراته عادي وفجأة يكتشف إنها خلعاه بقالها سنة ومتجوزة كمان في شقتهم"، بهذه الكلمات بدأ محمود يروي لـ "الحادثة" عن أغرب واقعة خلع شاهدها.
وأكمل حديثه: "كانوا متجوزين عن قصة حب كبيرة وكل حاجة تمام لحد 10 عشر سنين فجأة لاحظ إن مراته متغيرة ومش عايزة تقعد معاه في أوضة وحدة وكل ما يجي يقرب منها تقوله أنا مش عايزة نبات أنا وأنت في أوضة واحدة وبقت تنام في أوضة الأطفال وهو في أوضتهم".
خلعتني واتجوزت واحد تاني في شقتي
لم يجد الزوج أي مبرر لإصرار الزوجة على عدم بقائها معه في غرفة واحدة، في البداية كان يظن أنها مجرد مشكلات طبيعية ويحاول إصلاحها ولكن الموضوع كان أكبر من ذلك بكثير، تابع محمود: "هو مكنش فاهم هي ليه متغيرة ولما لقاها لسه برضوا على نفس السلوب ومصممة إنها متباتش معاه في يوم واحد وكل شوية تتخانق معاه عمال على بطال، حس إنه أكيد في حاجة ولازم يفهمها".
أضاف: “نزل الصبح عشان يروح الشغل عادي واستنى شوية كدا تحت البيت وشاف واحد طالع في العمارة وعمال يتلفت يمين وشمال مش عايز حد يشوفه فضل وراه ولقاه طالع شقته، دخل على طول وراه لقاها في حضنه وبيسألها أنتي بتخونيني مين دا، قالت له دا جوزي”.
أنهى محمود القصة بهذه الكلمات: "من بجاحاتها خلعته بقالها سنة وهو ميعرفش واتجوزت واحد تاني عشان معندهاش مكان تاني تعيش فيه".
تابع أحدث الأخبار عبر
