بيسيب لي 2 جنيه أفطر بيهم.. منار بدعوى خلع: حبسني 5 أيام من غير أكل
أرادت منار حياة زوجية هادئة ومستقرة في منزل الزوجية التي سوف تسكنه مع ابن عمتها، ولكن الواقع صدمها بأشياء بعيدة عن كل توقعاتها السعيدة الوردية من أول شهر زواج بسبب زوجها البخيل الذي لا يريد إنفاق مليم واحدًا على بيته وأولاده، حتى وصل الأمر أنه حبسها 5 أيام من غير أكل ما دفعها تلجأ لرفع دعوى خلع.
خلافات بدأت من الشهر الأول في الزواج بعدما اكتشفت الزوجة بخله وأنه لا يريد إنفاق مليمًا واحد على عش الزوجية مع العلم أنه ينفق على نفسه ولا يعرف البخل أما ناحية زوجته ومستلزمات المنزل لا يعرف شيء، نوت الزوجة على التخلص من حياتها المتعبة بعدما حبسها الزوج في المنزل 5 أيام بلا طعام.
"من ساعة ما تجوزنا وهو مش عايز يصرف جنيه على البيت ولا علي لحد ما زهقت ومبقتش عارفة أعمل إيه سكت وقلت أعديها بس لقيته بيزيد وكل ما أجي أطل ب منه أي مصاريف يقول لي مش معاي"، كانت هذه الكلمات الأولى في قصة منار التي بدأت تحكيها للقاضي لينقذها من حياتها، تابعت: "هو أصلا ابن عمتي ومع بعض من واحنا صغيرين ولما جه أتقدم لي أمي اتبسطت أوي عشان كانت شيفاه حد كويس ومحترم وهو فعلاً مكنش بيطلع منه العيبة ومحترم أوي".
بيسيب لي 2 جنيه افطر بيهم
ظنت منار أن الصورة التي تعرفها عن ابن عمتها من قبل لزواج لن تتغير بعد الزواج ولكنها مخطئة لأنها اكتشفت شخصا أخر غير الذي عرفته، أكملت حديثها: "كان ملاك قبل الجواز بس من أول أسبوع وأنا عرفت شخصيته بقا لما بقا ينزل الشغل وكل لما أقوله عايزة فلوس يحصل مشكلة، كان بيسيب لي 2 جنيه أجيب بيهم سندوتش فول للفطار بس، ويقول لي أوعي تحمري بطاطس عشان الزيت ميخلصش".
حبسني 5 أيام من غير أكل
أضافت الزوجة: "مكنتش برضى اتكلم عشان ميحصلش مشاكل بس الموضوع زاد وحبسني في البيت 5 أيام من غير أيام وأنا حامل وتعبت ساعتها وكلمت أهلي جم خدوني، مقعدتش معاه غير 6 شهور في ذل عشان يأكلني لقمة دا لو أكلني أصلا"، هذه المرة التي قررت فيها منار التخلص من حياتها واللجوء للقضاء من أجل رفع دعوى خلع.
تابع أحدث الأخبار عبر
