مروة في دعوى خلع: «افتكرته موسى طلع فرعون وجاب لي ضرة»
ظنت الزوجة أنه العوض والسند عن السنوات الطويلة التي رفضت فيها الزواج، وانخدعت في مظهره المثالي الذي تتمناه أي فتاة من ناحية المستوى الاجتماعي والاقتصادي، فكانت لا تتوقع أنه من الممكن أن يتزوج عليها أو يعرف عليها أي امرأة أخرى ولكنه أثبت أن المظاهر خداعة.
أقرأ أيضًا: منى في دعوى طلاق: «قالي رايح اشتغل في قطر واكتشفت إنه اتجوز عليا وأنا لسه عروسة»
«عايزة اتطلق عشان اتجوز عليا» هكذا بدأت مروة حديثها، مؤكدة على معاملة الزوج الطيبة لها طوال فترة الخطوبة والجواز، تابعت مروة: «الأول اتخرجت من الكلية ومكنتش عايزة اتجوز علطول، كنت عايزة اشتغل الأول وأثبت نفسي وبعدين اتجوز واتقدملي ناس كتير بس أنا مكنتش بوافق وكنت برفض».
رفضت الزواج عدة مرات
أضافت الزوجة: «قعدت خمس سنين بعد الكلية رافضة الجواز ومكنش في ناس بتتقدم عشان بدأت أكبر، أتقدم محمود وأهلي كانوا موافقين عليه ومصممين إني اتجوزه عشان شايفينه إنه ميتعوضش ومعاه فلوس وبيشتغل شغلانة كويسة».
رفضت « مروة» الزواج عدة مرات ولكن عندما شارفت على الثلاثين بدأت تعيد النظر في تفكيرها وأنه يمكن أن يفوتها قطار الزواج إذا رفضت في كل مرة، تابعت: «بدأت افكر تاني في الموضوع وفي كلام أهلي وهو فعلًا كان راجل كويس جدًا ومحترم وخفت ميتقدمليش حد تاني خصوصًا إني بدأت أكبر ومبقاش يتقدملي ناس كتير زي الأول».
«وافقت علي الجواز واتخطبنا على طول واتجوزنا بعد ست شهور وطول فترة الخطوبة كان كويس ولما اتجوزنا برضو كان بيعاملني أحسن معاملة وحمدت ربنا إنه عوضني خير بواحد زيه».
أقرأ أيضًا: دنيا في دعوى طلاق للضرر: «ضرب أبويا ورفع السلاح على أخويا»
اكتشاف الخيانة
لم يخطر على بال الزوجة أنه من الممكن أن يتزوج من أخرى بسبب معاملته المثالية لها من أول فترة الخطوبة والزواج، أضافت: «كان معيشني أحلى عيشة وكان بيعاملني أحسن معاملة ومجاش في بالي إنه يعمل كدا فيا، في يوم كنت ماسكة موبايله عادي وفجأة شفت صور وهو مع واحدة في السرير ودخلت على الشات بينهم عرفت من كلامه إنهم متجوزين».
تابعت مروة وعلى وجهها علامات الحسرة: «اتصدمت لما عرفت إنه متجوز لأنه كان بيحبني ومبيحبش يزعلني وكان بيبات معايا كل يوم كمان معرفش عرف يخبي أوي كدا إزاي».
أنهت حديثها: «سبت له البيت وطلبت منه الطلاق بس هو موافقش وقالي أنا مش هطلق حد وكلمته كتير وأهلي كلموه إنه يطلقني بس برضو مصمم إنه ميطلقنيش، لما لقيته مش عايز يطلق رفعت دعوى خلع»،.. ولا تزال القضية منظورة حتى الآن.
أقرأ أيضًا: ياسمين لقاضي الأسرة: « أمه طفشتني بعد 4 شهور ومجاش يوم موت بنته»
تابع أحدث الأخبار عبر
