شيماء لـ القاضي: "بيطلب مني حاجات غريبة وبيخليني أنام على البلاط عريانة"
مشكلات وخلافات مستمرة بدأت من الشهر الأول في الزواج بسبب تحكمات والدته المبالغ فيها وتصرفات الزوج الغير مفهومة وطلباته التي دفعت الزوجة أن تفكر في الانفصال من الشهر الأول، لكنها صبرت لرفض أهلها فكرة الطلاق خوفًا من حديث الناس عليها.
شيماء في دعوى نفقة: بيخليني أنام على البلاط وأنا عريانة
وازدادت المشكلات بينها وبين أهل الزوج لدرجة جعلتهم يشكون بأنها على علاقة برجل أخر وأن الولد الذي أنجبته ليس ابنه، ما دفعها تقرر الانفصال.
"ماشي ورا كلام أمه" هذه الكلمات الأولى الذي بدأت بها شيماء حديثها وهي تروي قصتها للقاضي مؤكدة على معاناتها التي بدأت من الشهر الأول في عش الزوجية بسبب تحكمات والدته.
تابعت: "من أول شهر في الجواز وعلى طول في مشاكل مع أمه بسبب إنها بتدخل ما بينا في كل حاجة، وهو ماشي وراها ولا كأني موجودة".
أضافت: "مكنتش بتخلينا نخرج وكانت محرمة علينا الخروج وهو في الشغل، وهو كمان كان على طول عصبي وبيتعامل بطريقة غريبة".
مشاكل من أول شهر في الجواز
بدأت المشكلات تحاوط عش الزوجية من الشهر الأول، ومع ذلك صبرت وتحملت حتى لا تخرب حياتها من قبل أن تبدأ ولكن الموضوع تمادى وتصاعدت المشكلات بسبب تصرفات الزوج الهمجية والغير مفهومة.
أضافت الزوجة: "المشاكل بدأت من أول شهر في الجواز بسبب تحكمات أمه وطلباته الغريبة اللي بيطلبها مني وبقا يطلب مني بيخليني أنام على البلاط عريانة ولو معملتش كدا بيضربني".
أكملت حديثها: "طبعًا كذا مرة المشاكل تكبر والأهل تتدخل وببقى عايزة اتطلق بس كلهم بيقولوا لي انتي لسة في أول شهر ولسه عروسة مينفعش تتطلقي".
بيقولوا على ابني "ابن حرام"
انساقت الزوجة وراء كلام أهلها لكي تحافظ على بيتها ولكن زادت المشكلات بسبب استمرار الزوج في تصرفاته الغريبة التي جعلتها تفكر في الانفصال، خصوصًا بعدما اتهمها أهل الزوج بأن أولادها من زوج أخر.
تابعت شيماء: "كنت بصبر وبتحمل لما عرفت اني حامل وأقول عشان الولد اللي جاي بس اللي زود الطين بله إن بعد ما خلفت ابني وهو لسه مكملش شهرين أمه وأخواته اتخانقوا معايا، وقالوا لي إنهم شاكين إن الولد دا مش ابنه، مقدرتش استحمل وروحت رفعت قضية طلاق وكسبتها الحمدلله".
أنهت قصتها: "بعد ما كسبت القضية رفعت عليه قضية نفقة عشان مكنش راضي يصرف على ابنه والمحكمة حكمتلي بـ 500 جنيه كل شهر، وبقى يدفع بس الولد كبر ومحتاج فلوس أكتر ولما جيت أكلمه قالي مش هدفع حاجة غير الـ 500 جنيه، عشان كدا رفعت قضية زيادة نفقة بقالي 3 شهور".
تابع أحدث الأخبار عبر
