نهى في دعوى خلع: "غصبوا علي اتجوزه عشان الفلوس وطلع تاجر مخدرات"
كثيرون هم من يسعون إلى زواج بناتهم فقط للتخلص منهن ومن مسئولياتهن، والتي يعتبروها حملًا عليهم، فيزوجونها لأول رجل يأتي لمجرد أنه رجل يجني الكثير من المال دون السؤال على أصله وفصله ويقعون في نهاية المطاف بمأزق كبير في محكمة الأسرة، مثلما حدث مع "نهى" التي سعى أهلها لزواجها برجل يملك المال دون النظر لأي شيء أخر لتكتشف الزوجة المفاجأة الكبرى في الشهر الأول من الزواج وأنه تاجر مخدرات كبير ما دفع الزوجة لرفع دعوى خلع.
"في الخطوبة كان واد تاني خالص" هذه الكلمات الأولى لنهى الني بدأت بها حديثها وهي تروي قصتها للقاضي، مؤكدة على شخصية الرجل الشهم الذي كان لا يتظاهر إلا بها طوال فترة الخطوبة.
تابعت: "أبويا جه في يوم وقالي أنا جايب لك عريس وأنا مكنتش عايزة اتجوز دلوقتي، بس لاقيتهم في البيت مصممين إني اقعد معاه".
غصبوا عليا اتجوزه عشان معاه فلوس
أضافت: "لما لقيتهم مصممين قلت أقعد معاه واشوفه يمكن يبقى حد كويس، ولما قعدنا أنا مستريحتش ولما قلت لهم أنا مش موافقة قالوا لي معاه فلوس وبيشتغل شغلانة كويسة وهيعيشك كويس".
في بداية الأمر رفضت نهى فكرة الزواج بحكم أنها تريد أن تكمل دراستها ثم تفكر في الزواج ولكن أهلها كان لهم رأي أخر في هذا الموضوع ورأوا أنه رجل صالح ويكسب الكثير من المال ولم يهتموا لأي شيء أخر، وافقت بعد إلحاح الأهل عليها لعله يكون نصيبها.
أكملت الزوجة حديثها: "اتخطبنا 3 شهور واتجوزنا على طول وأنا مكنتش مستريحة خالص ومش عايزة الجوازة تكمل ولما قلت لهم طيب نزود فترة الخطوبة قالوا لي لا مش هنزود حاجة وهتتجوزيه".
شعرت الزوجة بأنه يوجد شيء غلط
تابعت: "اتجوزنا وبعد شهر من الجواز حسيت إن في حاجة غلط والشغل اللي هو بيشتغله دا ميجبلهوش كل الفلوس اللي هو بيجبها دي، في يوم كان راجع متأخر لقيته بيكلم واحد صاحبه وبيتفقوا على بضاعة".
لم تدرك الزوجة خطورة الأمر وظنت أنه يلجأ لشرب المخدرات في بعض الأحيان ولكن بعد تتبعها هاتفه المحمول ومع من يتحدث وجدت محادثات تثبت أنه تاجر مخدرات كبير، لم تصدق الزوجة نفسها وتركت المنزل في نفس اليوم وطلبت الطلاق ولكنه رفض، ما دفعها تلجأ لمحكمة الأسرة ورفع دعوى خلع من أجل التخلص من زوجها تاجر المخدرات.
تابع أحدث الأخبار عبر
