«كنت فكراه هيعوضني عن جوازتي الأولى ».. سماح بدعوى خلع : طلع مدمن مخدرات
لم يحالف الحظ "سماح" في زواجها الأول ما جعلها تنفصل عنه، وبعد فترة قصيرة جدًا من الانفصال تزوجت من ابن عمتها لتتخلص من كلام الناس ، فكانت تظنه العوض والسند عن كل ما عاشته مع زوجها الأول ولكن ظنها خاب في الأشهر الأولى بسبب إدمانه المفرط للمخدرات ما جعلها تلجأ لمحكمة الأسرة من أجل رفع دعوى خلع بعد ما خاب ظنها للمرة الثانية.
"كنت فكراه إنه هيعوضني عن الجواز الأولانية" استهلت سماح قصتها بهذه الكلمات مضيفة أنها تزوجت من ابن عمتها بعد الانتهاء من عدتها مباشرة لتتخلص من كلام الناس، تابعت: "بعد ما اتطلقت من جوزي الأول كانت كل الناس بتعايريني إني مطلقة وبيسمعوني كلام زي الزفت دا غير الناس اللي طمعانة فيا وعايزين يتجوزني عرفي من ورا مراتتهم".
أضافت الزوجة: "أنا وابن عمتي كنا صحاب جدًا من واحنا صغيرين ب عمري ما كنت اتخيل إننا ممكن في يوم نتجوز، بس أول ما اتطلقت لقيته جه وقالي إنه عايز يتجوزني، كنت مترددة بصراحة ومكنتش موافقة في الأول".
اتجوزت ابن عمتي عشان كلام الناس
رفضت سماح الزواج من ابن عمتها ولكن عندما زاد كلام الناس ومعايراتها بأنها مطلقة، قررت أن تتزوجه وكان كلها آمال أنه يعوضها عن كل ما عاشته مع زوجها الأول بحكم أنهم أصدقاء ويعرفون بعضهما البعض جيدًا ولكن للأسف كانت مجرد آمال وبدأت المشكلات من الأشهر الأولى في الزواج.
أكملت: "أول لما أتقدم لي رفضت وخفت اكرر نفس الغلطة بس لما لقيت كلام الناس بيزيد، أهلي أقنعوني إني اتجوزه، وفعلًا وافقت واتجوزنا وكنت فاكرة عشان ‘حنا صحاب من زمان إن الجواز هيبقى كويس لينا وهنبقى متفاهمين".
دعوى خلع بسبب شربه للمخدرات
تابعت سماح: "يدوب اتجوزنا من هنا واكتشفت إنه بيشرب مخدرات من هنا، اتكلمت معاه مرة واتنين واتخانقنا بسبب شربه بس هو مبيتعدلش برضو، لما لقيت مفيش فايدة فيه طلبت الطلاق بس هو رفض".
لجأت الزوجة لمحكمة الأسرة ورفع دعوى خلع منذ شهرين بعد ما فقدت الأمل في أن يتغير زوجها ويتوقف عن إدمانه للمخدرات، ولا تزال القضية منظورة في المحكمة حتى الآن.
تابع أحدث الأخبار عبر
