المخدرات واكلة دماغه.. منى: اشتغلت عشان أصرف على ابني وسرق فلوسي
دعوى خلع لجأت إليها «منى» بعدما تحولت حياتها لجحيم بسبب إدمان الزوج للمخدرات وإنفاق كل الأموال على مزاجه دون الالتفات لزوجته وابنه الرضيع، اضطرت الزوجة للبحث عن العمل من أجل الإنفاق على ابنها ولكن اتجه الزوج لسرقة أموال زوجته لشراء مزاجه.
«اتجوزت وأنا صغيرة أوي».. استهلت «منى» قصتها مع زوجها الذي اتجه لطريق المخدرات في أول زواجهما وأصبح لا يهمه شيء سوى مزاجه، أضافت للقاضي: «اتجوزت وأنا عندي 16 سنة وكان كويس معاي في الخطوبة، ومكنتش فاهمة حاجة يعني إيه جواز وكانت أكتر حاجة مفرحاني إني هلبس فستان ويتعمل لي فرح».
تابعت منى: «اتجوزنا واتصدمت من أسلوبه معاي وإنه بقى مبيعملش حاجة غير إنه بيشرب الزفت بتاعه دا، كنت فاكرة في الأول إنه بيشرب مش كتير والموضوع مش هيأثر علينا».
تحولت الحياة لجحيم
ظنت الزوجة أنه شربه للمخدرات لا يأثر على حياتهما ولكنها مخطئة لأن تبدلت حياتهما لجحيم بعد ما اكتشفت شربه للمخدرات، وأصبح يضيع كل أمواله على الكيف فقط ولا يهتم لأمر زوجته وولده الوحيد وحينما تطلب منه أي مصروفات للمنزل، يطلب منها النزول للعمل من أجل الإنفاق على المنزل.
أضافت: «اتخانقنا كتير أوي بسبب المخدرات اللي بيشربها ليا ونهار بسبب إن مفيش مصاريف في البيت عشان كل الفلوس ضايعة على القرف اللي بيشربه، خلفت وقلت هيتغير بس بالعكس زاد في شربه وأنا مش عارفة أصرف على ابني منين».
تابعت الزوجة: «لما بطلب منه مصاريف عشان مصاريف الواد قالي مش معايا فلوس انزلي اشتعلي انتي وجيبي فلوس، نزلت اشتغل عشان خاطر ابني اللي مش عارفة اجيب له أي حاجة دا وهو مش فارق معاه حاجة».
بيسرق فلوس شغلي عشان كيفه
اتجهت الزوجة لمجال العمل من أجل الإنفاق على ابنها الرضيع بعدما فقدت الأمل في زوجها ولكن مع ذلك لم يتركها الزوج وأصبح يأخذ فلوس عملها الذي من المفترض أن الابن أولى بها من كيفه، انتهت منى حديثها: «نزلت اشتغل عشان ابني اللي مش لقيا له مصاريف دي بس بقى كل ما يشوف معايا فلوس ياخدها مني ويروح يجيب القرف اللي بيشربه دا»، توجهت الزوجة لمحكمة الأسرة بالجيزة ورفع دعوى خلع منذ شهرين ولا تزال القضية منظورة في المحكمة حتى الآن.
تابع أحدث الأخبار عبر
