حنان في دعوى خلع: "مضيع كل فلوسه على الستات وراميني أنا وعياله"
دعوى خلع لجأت إليها "حنان" بعدما اكتشفت خيانة زوجها، وإنه ينفق كل أمواله على النساء الذين يعرفهم، فيما لا يريد الإنفاق عليها هي والأولاد الثلاثة لمدة سنتين بالكامل، ما دفعها لتتخلص منه عن طريق اللجوء لمحكمة الأسرة ورفع دعوى خلع.
حنان في دعوى خلع: "مضيع كل فلوسه على الستات وراميني أنا والعيال"
"مش عايز يصرف علينا" هذه العبارة الأولى لحنان التي بدأت بيها حديثها وهي تروي قصتها مؤكدة على تحول الزوج ورفضه الإنفاق عليها هي والأولاد، أضافت: "من أول الجواز وهو كان بيعرف كويس جدا وأي حاجة أنا عايزاها بيجيبها حتى لو غالية، وحتى لما خلفت كان مبيخليش حد من العيال نفسه في حاجة إلا لما يجيبهاله".
تابعت حنان: "بقاله سنتين متغير وبقا كل لما أقوله هات فلوس يقول لي مش معايا ومبقاش بيجيب حاجات وهو جاي زي ما كان بيعمل وكلما عيل منهم بيطلب منه مصروف أوي اي فلوس يقول لهم مفيش مصاريف".
اكتشاف سبب تغير الزوج
تعجبت الزوجة من تصرفات الزوج الذي تحولت لشخص أخر دون مقدمات، ما جعلها تتساءل عن سبب تغيره ورفضه إنفاق أي مصروفات عليها هي وأولادها، لكن في النهاية اكتشفت أنه يضيع كل أمواله على أخريات ما دفعها ترفع دعوى خلع.
أكملت حنان حديثها: "استغربت من أسلوبه عشان بقا واحد تاني مكنش كدا من أول الجواز فقولت أكيد في حاجة تخليه يتغير عليا أنا والعيال، عرفت السبب وياريتني ما عرفت اكتشفت إنه بيكلم ستات كتير موبايله مليان خروجات معاهم".
أكملت حنان حديثها: "روحت عند أهلي وقالي هيتغير ومش هيكلم أي ستات تاني ورجعت على الاساس دا بس يدوب رجعت وقعد شهر ورجع برضو يكلم ستات تاني ومش عايز يصرف علي العيال برضو قلت مفيش فايدة طالما كدا كدا مبيصرفش ولا مهتم بالعيال كل اللي همه الستات بس
أنهت حديثها: “مضيع فلوسه على الستات ومش راضي يصرف على عياله، سبت له البيت تاني ومشيت روحت عند أهلي وقررت إني انفصل عنه خلاص رفعت دعوى خلع عشان اخلص منه طالما كدا كدا مبيصرفش على عياله”.
لجأت حنان لمحكمة الأسرة على الفور ورفع دعوى خلع ولا تزال القضية منظورة في المحكمة حتى الآن.
تابع أحدث الأخبار عبر
