سها في دعوى خلع: اخواته اللي ممشين البيت وأبوه خلاه يتجوز علي
كان الزوجان يتمتعان بحياة زوجية مثالية لمدة 6 سنوات كاملة ولكن تبدلت حياتهما منذ أن تدخل أهل الزوج في حياتهما وانساق الزوج وراءهم في كل أمورهما الشخصية، فوصل الأمر إلى أن يقنع الوالد ابنه بأن يتزوج على زوجته دون علمها، وكان هذا السبب كفيل ليجعل الزوجة تلجأ لمحكمة الأسرة من أجل رفع دعوى خلع على زوجها.
ماشي وراء كلام إخواته.. كانت هذه العبارة الأولى في قصة «سها» التي تروي سبب مجيئها لـمحكمة الأسرة بالجيزة ورفع دعوى طلاق على زوجها، مؤكدة على أنه كان زوجا لا مثيل له في بداية الزواج ولكن بدأت حياتهما تتغير وتتحول للأسوأ عندما انساق وراء كلام اخوته، تابعت: «في أول الجواز كانت كل حاجة تمام بينا ومكنش في مشاكل بينا كبيرة غير المشاكل العادية اللي بتحصل بين أي زوجين، وكانت الدنيا بتعدي وبنحل المشاكل وخلاص».
أضافت: «فضلنا كدا 6 سنين كويسين بس فجأة بدأت كل حاجة تتغير بعد ما اخواته بدأوا يتدخلوا في كل حاجة بتحصل بينا وهو ماشي وراهم في أي حاجة مع إنه مكنش كدا في الأول خالص واستغربت إيه اللي غيره كدا».
خلافات ومشكلات بسبب أهل الزوج
نشبت الخلافات والمشكلات بين الزوجين بسبب انسياق الزوج وراء أشقاءه في كل الأمور بينهم وكان إصرار والد الزوج على الزواج من أخرى كانت المشكلة التي أدت لطلب الزوجة في الانفصال وعندما رفض اضطرت لرفع دعوى خلع، تابعت: «اتخانقنا كتير أوي سبت البيت كتير عشان مكنتش حاسة بحريتي في البيت وجوزي مبقاش ليه أي شخصية خالص وبقا ماشي ورا اخواته في كل حاجة وكل ما اتكلم معاه يقولي أنا حر».
أبوه خلاه يتجوز عليا
أكملت الزوجة: "كنت فاكراه هيتغير ويسيبه من اخواته بس للأسف أبوه كان مشكلة تانية لوحدها واقنعه إنه يتجوز تاني وراح اتجوز فعلًا ومبقاش يسأل فيا أنا وابني، مكنتش موقعها منه وإني أهون عليه للدرجة دي».
اختتمت سها قصتها: «سبت له البيت وطلبت منه الطلاق بس هو رفض، رحت رفعت عليه دعوى خلع عشان كدا خلاص اتأكدت إنه عمره ما هيرجع زي الأول».
تابع أحدث الأخبار عبر
