منال في دعوى خلع: «بيبيع هدوم العيال عشان يجيب مخدرات»
بعد معاناة دامت 10 سنوات بسبب إدمان زوجها للمخدرات ما أدى لنشوب الخلافات والمشكلات بينهم بعد أن تمادى الزوج في تعاطيه للمخدرات بسبب ضربه وسرقته لأغراض المنزل من أجل شراء مزاجه لدرجة وصلت لبيع ملابس أولاده لجأت منال لمحكمة الأسرة من أجل رفع دعوى خلع .
"بيسرق حاجات البيت ويبيعها" بهذه العبارة بدأت منال حديثها تروي قصتها للقاضي مؤكدة على إدمانه المفرط للمخدرات وبيعه لكل مستلزمات المنزل من أجل شراء مخدرات بدون تفكير في أي شيء أخر، أضافت: "فترة الخطوبة عرفني إنه بيشرب مخدرات بس مش مدمن بيشربها في الأفراح بس وأنا قلت مفيش مشكلة طالما مش بيشربها على طول".
تابعت: "بعد الجواز لقيته بقا بيجيب مخدرات معاهد البيت ولما أكلمه يقول لي دا حاجة خفيفة مش بشربها على طول، مرة في مرة بدأ الموضوع يزيد وبقا يجيب كل يوم مخدرات تقريبًا".
تحول الزوج المفاجئ بعد الزواج
خافت الزوجة على أطفالها من تصرفات والدهم الذي تحولت واعتبر الضرب وسيلته الوحيدة في التفاهم والتحدث، أضافت: "في الأول مكنش بيشرب كتير بس شوية شوية لقيت الموضوع زاد وبقا يشرب مخدرا ليل ونهار في الشقة، مكنش عندي مشكلة عشان كن لوحدي بس لما خلفت خوفت على العيال من إنهم يشوفوا أبوهم كدا بالمنظر دا".
تابعت: "في أول الجواز كان بيعاملني كويس شوية عشان كان لسة مبيشربش القرف دا كتير بس لما بقا مدمن وبيشرب ليل ونهار معاملته اتغيرت معايا وبقا يضربني، لما خلفت قلت هيخاف على عياله ويخلي باله من تصرفاته معاهم بس لقيت العكس"، أكملت الزوجة: "ضربه ليا زاد وكمان لما العيال بقت تطلب أي حاجة بقا يضربهم، خدت العيال ومشيت قلت يمكن لما أبعد عنه أنا والعيال يلم نفسه بس لما رجعت لقيته زاد".
بيسرق هدوم العيال عشان يجيب مخدرات
"بدأت الزوجة تلاحظ اختفاء أغراض المنزل ولكنها لا تعلم سبب الاختفاء، أضافت: "بقيت ألاحظ حاجات كتيره بتختفي من البيت كنت بحسب حرامي دخل البيت بس لما لقيت الموضوع زاد حتى ل بس العيال بقى يختفي سألت جوزي قالي لا مشوفتش حاجة، الأسبوع اللي بعده شوفته وهو بيسحب وبياخد لبس العيال ، ولما اتخانقت معاه عرفت إنه كان واخدهم ع شان يبيعهم ويجيب مخدرات".
شعرت منال أنها في خطر هي وأولادها ما جعلها تأخذ أولادها وتمش بعيدًا عن البيت لترفع دعوى خلع على زوجها، ولا تزال القضية منظورة في المحكم حتى الآن.
تابع أحدث الأخبار عبر
