سحر في دعوى خلع: قعدت أحبه 7 سنين ولما اتجوزنا مستحملتهوش 7 شهور
نظن جميعًا أن الحياة تصبح وردية حينما نتزوج من حب حياتنا ولكن في أحيان كثيرة تخيب الظنون بعد اكتشاف الحقائق لكل واحد منهم بعد الزواج ما يؤدي لـ خراب البيت ويصبح الانفصال الحتمي هو الحل الأمثل مثل ما فعلت سحر ولجأت للقضاء لترفع دعوى خلع بعد ما اكتشفت شخص أخر في الأشهر الأولى من الزواج وإدمانه المفرط للمخدرات.
«المخدرات هي السبب».. بدأت سحر بهذه العبارة حديثها تروي قصتها للقاضي، مؤكدة على قصة حبها الذي دامت لـ 7 سنوات قبل الزواج، فكان تظن أنها تكمل بقية حلمها السعيد مع حبها الوحيد ولكن كل الأحلام تحولت لكابوس بعد اكتشافها لإدمان زوجها للمخدرات، ما أدى لتحول حياتهما الوردية لحياة مليئة بالضرب والإهانة، أضافت: «كنا جيران وبنحب بعض من زمان وأهالينا عارفة واتخطبنا سنة ونص واتجوزنا بعد حب 7 سنين وكنت بحلم باليوم دا طول السبع سنين وكنت فاكرة إن الحياة هتبقى وردي لما اتجوز من الراجل اللي بحبه».
تابعت وخيبة الأمل تملأ وجهها: «من أول الجواز وأنا اتصدمت من اللي شوفته منه في المعاملة، من أول شهر وأنا لقيت واحد تاني غير اللي أنا عارفاه في الأول مكنتش فاهمة إيه سبب المعاملة دي بس اكتشفت في الشهر التاني إنه بيشرب مخدرات».
فشلت كل محاولات الزوجة في إصلاح الوضع
ظنت الزوجة أنها قادرة على التعامل والتأقلم معه ولكنها لا تعرف أنه يتمادى في تعاطيه للمخدرات ما يؤدي لخراب عش الزوجية في شهوره الأولى بسبب إدمانه، أضافت: «في الأول بقا يتعصب علي كل ما أكلمه ومبقاش يعمل حاجة غير إنه قاعد في البيت ليل ونهار وبيشرب مخدرات وبس وكل ما أجي أكلمه يتخانق معايا».
تابعت سحر: «مكنتش عارفة اتفاهم معاه في حاجة بس بعدين الموضوع زاد وبقا يمد إيده علي ويضربني في نص الشارع كل ما نتخانق وسبت البيت ومشيت وأهلي كلموه كتير إنه يخلي باله مني وكان في كل مرة بيقولهم مش هعمل كدا تاني ويرجع أسوء من الأول».
انهت حديثها: «وعدني كتير إنه هيبطل مخدرات بس مفيش فايدة وأنا زهقت منه ومبقتش قادرة استحمل خصوضًا لما بقيت حامل قلت لما يعرف إني حامل هيتغير ويخاف على ابننا اللي جاي بس أخر خناقة كان شارب ومتقل لقيته شدني وطردني وأنا بالبيجامة وقعد يضرب فيا قدام الشقة والجيران اتلمت ولحقتني».
بعد إهانتها المتكرر من زوجها المدمن قررت سحر أن ترفع دعوى خلع في الأشهر الأولى من زواجها، ولا تزال القضية منظورة في المحكمة حتى الآن.
تابع أحدث الأخبار عبر
