البيت بالنسبة له لوكاندة.. أحلام في دعوى خلع: « فشل في كل شيء ومصانش النعمة»
20 عاما من اللامبالاة تجاه زوجته وأولاده وبيته، زوج لا يفعل شيء سوى السهر والسكر ولا يعلم أي شيء عن أمور المنزل ما دفع الزوجة لرفع دعوى خلع لأنها أدركت أن الحل الأمثل لها ولأولدها الانفصال باعتباره أنه أب بالاسم فقط ولا يهتم لأمر أولاده ولا لزوجته.
«وقفت جمبه وبعد ما بقى معاه فلوس شاف نفسه عليا».. بدأت أحلام حديثها بهذه الكلمات تروي معاناتها التي دامت طوال 20 عاما بسبب زوجها الذي تكاسل عن العمل ولا يريد سوى الجلوس في المنزل بلا عمل أي شيء ما دفعها للقضاء ورفع دعوى خلع لتتخلص من حياتها البائسة طوال هذه السنوات.
وأضافت: «اتخطبت له سنة ونص وكان كويس معايا وكان مفهمني إنه بيشتغل شغلانة كويسة وبيقبض مرتب عالي بس أول لما اتجوزنا اتفاجئت إنه شغال سواق، معترضتش وقلت مش مهم المهم إنه يبقى كويس ومحترم معايا».
تابعت: قعد من الشغل من تاني شهر جواز ومكنش فيه في البيت فلوس ولا أكل ونزلت الشغل عشان أساعده ولما لقاني بشتغل وبجيب فلوس مبقاش يدور على شغل وبقى كل اللي بيعمل له إنه يقعد على القهوة طول اليوم ويشرب مخدرات وبس».
عدم تقدير الزوج لتضحيات الزوجة
بالرغم من تكاسل الزوج عن العمل إلا أن الزوجة ساعدته عن طريق إقامة مشروع له من أموالها وذهبها ولكنه في النهاية لا يقدر ما فعلته من أجله، أضافت: «لما لقيته قاعد في البيت من غير ولا شغلة ولا مشغلة عملت له مشروع بفلوسي وشقايا وبعت كل دهبي عشان أصرف على المشروع وفي الآخر فشل».
تابعت أحلام: «قلت مش مهم وجبت له عربية بالقسط عشان يشتغل عليها تبع شركة وبدأ شغل وبدأ يكسب فلوس كويسة ومن ساعة ما بقى معاه فلوس وهو اتغير معايا أنا والعيال ومبقاش عايز يصرف».
أكملت أحلام حديثها: «برضو رجع تاني للسهر برا طول النهار ويرجع لي في أخر اليوم وهو شارب عشان النوم بس كأنه في لوكاندة بالظبط، ميعرفش أي حاجة عن عياله ولا هما بيعملوا إيه اتكلمت معاه كتير بس هو مبتغيرش وطلبت منه الطلاق كذا مرة بس قالي مش هطلقك وهتعيشي معايا بالعافية».
بعد محاولاتها إتمام الطلاق بالود بينهما رفض الزوج ما جعلها تلجأ لرفع دعوى خلع منذ شهر ولاتزال القضية منظورة في المحكمة حتى الآن.
تابع أحدث الأخبار عبر
