ولاء في دعوى نفقة: إخوات جوزي طردوني أنا والعيال بعد أسبوع من الوفاة
10 سنوات من السعادة التي تغمر عش الزوجية، زوجة أصيلة تربي أولادها وتعامل أهل زوجها بالحسنى وزوج وأب مثالي لأولاده الثلاثة، وفجأة تحول كل هذا في غمض عين بعد وفاته وتحول أهل المرحوم في كل شيء وطرد الزوجة هي وأولادها بلا أي شيء ما دفع الزوجة لرفع دعوى نفقة لأخذ حق أولادها.
«أهل جوزي رامين العيال وميعرفوش عنهم حاجة».. بدأت ولاء حديثها بهذه الكلمات تروي قصتها للقاضي مؤكدة معاملة أهل زوجها الحسنة لها قبل وفاته ولكن تحول كل شيء، أضافت: «متجوزين بقالنا 10 سنين وكانت كل حاجة تمام وبيعاملني أنا والعيال أحسن معاملة وعايشين مبسوطين وبيحاول يجبلنا كل حاجة نفسنا فيها»، تابعت: «معاملتي مع أهله كانت كويسة جدًا وكانوا بيحبوني وأنا كمان بحبهم جدًا وبعامل إخواته وأمه بما يرضي الله ومكنش في مشاكل بينا خالص بس كل حاجة اتغيرت فجأة».
أهل الزوج طردوني أنا والعيال في الشارع
تحولت معاملة أهل الزوج الحسنة للزوجة لأسوأ معاملة منذ وفاة الزوج وطردوها هي وأولادها من شقة الزوجية وامتنعوا عن إعطاءهم أي مصاريف، أضافت: «من ساعة ما جوزي توفى ومعاملة أهل جوزي اتغيرت خالص معايا وطردوني من الشقة بعد أسبوع من الوفاة بدون أي سبب وقالولي انتي وعيالك ملكيش حاجة عندنا»، تابعت: "روحت عند أهلي وأهلي كلموهم عشان يبعتوا مصاريف للعيال ولا أي حاجة بس هما مش موافقين وبيقولوا العيال ميلزموناش، فضلت كتير أنا والعيال وأنا مش عارفة اجبلهم أكل عشان مبشتغلش وأبويا وأمي كبار مش بيشتغلوا».
طلبت الزوجة مصاريف لأولادها من جد الأولاد مرات عديدة ولكن في كل مرة كان يتحجج بأنه لا يمتلك أموال، أضافت: «كلمت جد العيال عشان عارفة إنه معاه فلوس وبيشتغل في شركة كبيرة ويقدر يصرف على العيال بس كل لما أكلمه يقولي أنا مش معايا فلوس هجبلك منين انتي وعيالك».
سئمت ولاء من طلبها المتكرر لجد الأولاد ما دفعها تلجأ للقضاء وترفع دعوى نفقة على الجد من أجل الحصول على مصروفات لأولادها، وبالفعل رفعت الزوجة دعوى نفقة منذ 6 شهور ولا تزال القضية منظور في المحكمة حتى الآن.
تابع أحدث الأخبار عبر
