صدمة العمر.. أحلام: قفشت جوزي مع اختي في أوضة النوم
تشهد محكمة الأسرة كل يوم قصص لا يصدقها عقل ولا منطق منها قصة «وفاء» التي تلقت صدمة عمرها في شقيقتها وزوجها بعد أن شاهدت خيانتهما لها بعينيها ما دفعها ترفع دعوى طلاق على الفور والتخلص من حياتها معه.
«كان حب عمري».. بهذه العبارة بدأت أحلام حديثها لقصتها الأليمة للقاضي، مؤكدة على استقرار عش الزوجية من أول الزواج ولكن تحولت الحياة الوردية لكابوس بعد اكتشافها للحقيقة المرة، أضافت: «اتخطبنا 7 سنين وهو كان جارنا وكنا بنحب بعض أوي واتجوزنا وكانت حياتنا مفيهاش مشاكل بس كل دا اتحول من ساعة ما سمعت اللي مكنتش اتوقعه أبدًا».
أحلام تابعت: «بنتي الكبيرة اللي مكملتش 8 سنين جت في يوم وقالت لي أنا شفت بابا مع خالتو بيعملوا حاجات مش كويسة، أنا مفهمتش قصدها وقل دي عيلة مش فاهمة حاجة».
الشكوك تراود الزوجة
بدأت الشكوك تراود أحلام بسبب ما قالته ابنتها وانتبهت لتصرفات زوجها عسى أن تتوصل إلى ما قصدته ابنتها، أضافت: «في الأول قلت دي عيلة ومبتفهمش حاجة بس لما بدأت أركز مع تصرفات جوزي لقيته بيخرج ويسهر برا كتير وبقى بيخبي الموبايل مني كل لما يرن».
تابعت: «كنا قاعدين في يوم عند أهلي واخواتي البنات كلهم كانوا قاعدين ولقيته مركز مع اختي الكبيرة وبيهزر معاها هزار خارج شوية وافتكرت كلام بنتي وبدأت أشك وخصوصًا بعد لما معاملة اختي اتغيرت معايا ومبقتش تطيق لي كلمة».
صدمة العمر في الزوج والأخت
دعت الزوجة أن تبدد شكوكها ولكن للأسف الظنون أصبحت حقيقة بعد ما رأت خيانة زوجها وشقيقتها بعينيها، أضافت: «بقيت أراقب تصرفات جوزي ومسكت الموبايل وفتشت فيه ولقيته بيكلم اختى كتير كنت بدعي ربنا يخيب ظني بس للأسف سمعتهم وهما بيتكلموا وكمان شوفتهم بعينيا».
تابعت والدموع تملأ عينيها والدهشة تملأ وجهها: «في يوم لقيته نزل على طول بعد ما جه من الشغل ومشيت وراه ولقيته راح عند اختي البيت وطلعت وراه وخبطت عليهم الشقة واختي هي اللي فتحت لي الباب وقولتلها جوزي عندك بيعمل إيه قالت لي جوزك مش عندي، زقتها ودخلت افتش الشقة ولقيته في أوضة النوم وقفت مكاني معرفتش اتحرك من الصدمة، وبعد شوية لما فوقت من الصدمة سبتهم ومشيت».
لجأت أحلام للقضاء ورفعت دعوى طلاق وتم إصدار الحكم لصالحها تم الانفصال وأخذت أولادها وذهبت بعيدًا عن اختها وزوجها.
تابع أحدث الأخبار عبر
