منة في دعوى طلاق: اتخانقت معاه عشان بيكلم زميلته في الشغل فراح اتجوزها
8 سنوات من سعادة وهناء غمرت عش الزوجية، زوجة حنونة وزوج محب، لكن انقلبت الحياة رأسا على عقب وتحولت السعادة لحزن وكسرة قلب والتفاهم لمشاجرات دائمة بين الزوجية بعد ما اكتشفت خيانة زوجها ما دفعها لرفع دعوى طلاق.
«اتجوزنا عن قصة حب».. هكذا بدأت منة تسرد قصتها للقاضي، مؤكدة على أنها تزوجت عن قصة حب كبيرة ليس زواج تقليدي، أضافت: حبينا بعض من واحنا في الكلية واستنى لما اتخرجنا وجه اتقدم لي وكانت أحلى فترة في حياتي واتجوزنا وكان بيعمل لي كل اللي أنا عايزاه ومش مخليني عايزة حاجة».
وأضافت منة: «بدأ يتغير معايا وبقى يتكلم في الموبايل كتير ومش عايش معايا خالص، اتكلمت معاه قلت له إيه اللي مغيرك قالي مفيش حاجة قلت يمكن ضغط الشغل بس بدأت اشك إنه يعرف حد تاني».
زادت شكوك الزوجة
شكت الزوجة في أمر زوجها بسبب أسلوبه الذي تغير فجأة ولكنها كانت تقنع نفسها أنه لا يوجد شيء لكن الشكوك زادت بسبب معاملته الذي أدت لنشوب الخلافات بينهم، أضافت: «مكنت بركز في الأول عشان معملش مشاكل بس لما لقيت الموضوع زاد ومبقاش يقعد في البيت تقريبًا، قلت كدا أكيد في حاجة ومسكت موبايله افتش فيه لقيت بيكلم واحدة معاه في الشغل».
تابعت الزوجة: «كنت بحسب الكلام بينهم عادي بس لما قلبت في الشات بينهم والصور لقيت الكلام بينهم واصل لمرحلة مش كويسة وفي صور خارجة وخروجات كتير منهم، لما واجهته قالي إحنا زملا عادي وإنه يعرفها».
لم تسع الزوجة لخراب عش الزوجية وكانت تظن أنه عندما تعلم زوجها بخيانته حاله سيصلح ولكنها مخطئة لأنها اكتشفت الصدمة، أضافت: «عديت الموضوع عشان معملش مشاكل وعشان كنت بحبه وعشان العيال برضو والبيت ميتخربش وهو قالي مش هكلمها تاني، بس لقيت معاملته معايا لسة متغيرة ومش طايقلي كلمة».
وأضافت منة: «شكيت إنه لسه يعرفها ومسكت التليفون أشوفه لسة بيكلمها ولا لأ ولقيت الصدمة انهم اتجوزوا، طلبت منه الطلاق بس قالي لو عايزاني أطلقك ابريني قولتله مش هبريك وهاخد كل حقوقي».
أنهت منة حديثها: «مشيت من البيت وروحت عند أهلي، ورفعت علي قضية طلاق بقالي سنة ولسة الإجراءات ماشية ومستني واتطلق منه وأخ حقي منه».
تابع أحدث الأخبار عبر
