رحاب في دعوى طلاق: "معندوش شخصية واخته هي اللي ممشياه"
يتسبب تدخل الأقارب في الحياة الزوجية في مشاكل، تنتهي أغلبها بالانفصال، وهو ما حدث مع رحاب التي رفعت دعوى طلاق؛ بسبب تدخل شقيقة زوجها في كل أمورهم الزوجية.
"جوزي معندوش شخصية".. بهذه العبارة بدأت رحاب حديثها تروي للقاضي قصتها، مؤكدة تدخل أهله في الكبيرة والصغيرة، خصوصًا شقيقته؛ ما أدي لنشوب الخلافات بينهما وتصاعدها، وأضافت: "أخته بتتدخل في كل حاجة بينا من أيام الخطوبة، ومكنتش ببقى عايزة أعمل مشاكل وبمشي الدنيا، بس حصلت خناقة بيني أنا واخته واحنا بنجيب الشبكة، وما كانتش عايزاه يجيب لي غير خاتم وغويشة بس".
وتابعت: "أهلي كانوا عايزين يعملوا معاها مشكلة، بس أنا قلت مش مهم، وعشان بحبه قلت امشي الدنيا. مش الموقف دا بس، هي طول فترة الخطوبة كانت بتتدخل في كل حاجة، واليوم اللي كان بيجي لي كانت بتيجي معاه، وتقعد معانا طول ما هو قاعد".
شقيقة الزوجة تعرف كل كبيرة وصغيرة
كانت تظن الزوجة أن شقيقة الزوج ستتغير بعد الزواج، ولن تتدخل فيما لا يعنيها، ولكنها كانت مخطئة، وقالت: "كنت فاكرة إنها بعد الجواز مش هتتدخل بينا، بس لقيت الموضوع بيزيد وأي حاجة تحصل بينا هي أول واحدة بتتدخل، ولو فيه مشكلة بتقويه عليا"، وتابعت: "كلمت جوزي في الموضوع دا، واتخانقنا كتير بسببها، بس هو بيقول لي تعمل اللي هي عايزاه. آخر خناقة سبت له البيت ومشيت وقلت له لو أختك اتدخلت بينا تاني أنا هاتطلق. قال ارجعي ومش هتتدخل تاني".
زاد تدخل أخت الزوج؛ ما أدي لتصاعد المشكلات والخلافات بين الزوجين، وأىي لطلب الزوجة الطلاق بسبب شقيقته، وحكت رحاب: "لما رجعت آخر مرة قلت الأمور هتتحل ومش هيحصل مشاكل تاني، بس لقيت الموضوع زاد، وبقت تعرف عنا كل حاجة، وهي اللي بتقول له نعمل إيه وما نعملش إيه، ولما رحت كلمت جوزي قلت له هي بتعرف كل حاجة منين؟ قال لي أنا اللي باقول لها".
وتابعت: "ما بقتش عارفة أعيش براحتي في بيتي، وكل أسرارنا هي تعرفها، ما قدرتش استحمل، سبت له البيت ومشيت، وطلبت منه الطلاق، بس هو ما وافقش".
لجأت رحاب لمحكمة الأسرة بالجيزة؛ لرفع دعوى طلاق منذ 6 شهور بعد ما رفض الزوج طلاقها بالود دون مشاكل، ولا تزال القضية منظورة في المحكمة حتى الآن.
تابع أحدث الأخبار عبر
