«بيتفسح وسايبنا».. هدى في دعوى طلاق: "رامي عياله وأبويا اللي بيصرف"
دعوى طلاق مسألة تؤمن بها الزوجة التي استحالت العشرة بينها وبين زوجها، فمع تعنته في إطلاق سراحها وإيثار الفراق بالمعروف، تضطر كثير من الزوجات إلى أن تخطو خطواتٍ نحو محاكم الأسرة علها تجد في دعوى طلاق أو دعوى خلع نهاية لهذه الحياة البائسة.
19 عامًا من اللامبالاة وعدم تحمل الزوج مسئولية الزوجة والأولاد، ما أدى لوجود مشكلات كثيرة بينهم، لكن الزوجة في كل مرة كانت تحاول التأقلم، وفاض بها الكيل بعد ما هجر الزوج المنزل وعدم رغبته في العودة ما دفعها للتوجه لـ محكمة الأسرة بالجيزة ورفع دعوى طلاق لتتخلص من الكابوس الذي رافقها طوال الـ 19 عام.
هدى في دعوى طلاق: “رامي عياله وأبويا اللي بيصرف”
"بابا هو اللي كان بيصرف علينا" بهذه الكلمات بدأت هدى حديثها مضيفة على عدم تحمل الزوج لأي مسئولية خاصة بالمنزل أو الأولاد، تابعت: "كنا قاعدين في شقة ملك بابا هو اللي جايبهالنا عشان ظروفه مكنتش مساعدة إنه يجيب شقة، المهم اتجوزنا وكان كويس معايا في الخطوبة وأول الجواز".
أضافت: "كان بيصرف على البيت في أول الجواز كان بيسبلي مصروف قليل جدًا ولما كنت بقوله يسيب فلوس يقولي مانتي بتاخدي مصروف من أبوكي عايزة إيه تاني".
إهمال الزوج لأولاده
ازدادت المشكلات بسبب رفض الزوج الإنفاق على المنزل وإهماله لشئون أولاده ما أدى لزيادة غضب الزوجة، تابعت: "مبقاش يسأل في أولاده وبيبات برا بالأيام ميعرفش عنهم حاجة، وكل لما أكلمه عشان يسأل على عياله يقولي مش فاضي عندي شغل"، أضافت: "الولاد بدأوا يكبروا ومصاريفهم بقت كتير والمصروف اللي بابا بيدهولي مش مكفي، قررت أنزل أشتغل عشان أعرف أجيب مصاريف مدرسة العيال".
ترك الزوج المنزل عدة مرات لفترات طويلة بحجة إنه في العمل، كرر الزوج تركه للمنزل وفي أخر مرة ذهب لبيت أهله منذ أربع سنوات، تابعت: "بيسيب البيت وبيقولي إنه في الشغل بس هو بيبقى يا إما مع صحابه أو بيتفسح وسايبني أنا في البيت محتاسة مع العيال ومصاريفهم من غير ما يسيب لنا جنيه".
أضافت: "اتخانقت معاه كتير بسبب الموضوع دا بس في كل مرة بيقولي أنا أعمل اللي أنا عايزه وانتي متفتحيش بوقك، زادت الخناقة وضربني وبهدلني قدام العيال وراح عند أمه بقاله أربع سنين".
أكملت: "كل لما أكلمه على فلوس ميرضاش يبعتلي حاجة وكلمت أهله عشان يتكلموا معاه بيقولولي وإحنا نعملك إيه، فضلت على الحال دا طول الأربع سنين وطلبت منه الطلاق مش راضي يطلق"، بعد السنوات الطويلة الذي قضتها الزوجة في المعاناة مع زوجها عديم المسئولية لجأت للقضاء لرفع دعوى طلاق، ولا تزال القضية منظورة في المحكمة حتى الآن.
تابع أحدث الأخبار عبر
