أخبار محكمة الأسرة
محكمة الأسرة.. نادين : مرات اخويا رمتلنا بنتها بعد موته
واحدة من الدعاوى الغريبة في محكمة الأسرة، تواجدت الأم بعد وفاة زوجها لتتخلى عن ابنتها لعمتها لأن زوجها الثاني يرفض أن تبقى ابنتها في حضانتها، ووافقت الأم على شروطه وقررت التخلي عنها بالرغم من مرضها واحتياجها لوالدتها بعد خسارة والدها، وعلى أبواب محكمة الأسرة تواجدت العمات ليمدوا يد العون لابنه اخيهم بعد تركه لها دون سند في الدنيا.
قصص محكمة الأسرة..مش مخلي مراته وبنته محتاجين حاجة
قالت «نادين» في بداية حديثها :«جيت المحكمة مع اختي مرات اخويا جاية تتناز لها عن الحضانة، اخزيا كان متجوز من ١١ سنة وخلف من مراته بنت بس، ومكنش فيه بينهم مشاكل غير العادية بس زي أي اتنين، هما كانوا متجوزين عن حب وهو كان كةيس جدا معاها ومش مخليها محتاجة حاجة هي وبنته».
دعاوي محكمة الأسرة..اتجوزت أول ما اخويا اتوفى
أكملت «نادين» حديثها وقالت: «اخويا اتوفى سنة 2020 جتلة جلطة فجأه ومات، ومن ساعة وفاته والمشاكل مع مراته بدأت، اتجوزت بعد وفاته على طول وخلفت ولد من جوزها وبنت اخويا كانت معاها وهي مريضة وفي الأول مكنتش بتخلينا نشوفها ».
حكايات محكمة الأسرة.. احنا اللي بنصرف على بنت اخونا
تابعت «نادين» حديثها قائلة: «بنت اخويا مريضة من زمان عندها عيب خلقي في رجلها لازم تتجبس كل اسبوع ومشاكل صحية تانية كتير، هي كانت مع امها وبعد كدة بقت قاعدة معانا بس، لان امها مش قادرة تلى مصاريفها او تروح بيها اي مشاوير عشان علاجها، اختي اللي بتاخد بالها منها وبتصرف عليها وانا كنت بساعدها على قد ما اقدر».
قضايا محكمة الأسرة..فضل وراها عشان تتنازل عن بنتها
أنهت «نادين» حديثها قائلة: «دلوقتي هو رافض يدخل بنت اخويا حتى الشقة، لأنها تعبانة ومحتاجة مصاريف علاج كتير وعمليات وهما مش عايزين يشيلوا همها، فضل وراها عشان يخليها تتنازل خالص، وجينا المحكمة عشان عايزين يبقى فيه تنازل بورق رسمي عشان اتي تقدر تبقى الوصية عليها وتقدر نقدملها في المدرسة وتبقى معاها على طول، وامها بتكلمها كل كام يوم في التليفون تطمن عليها بس مش بتيجي تشوفها ».