أخبار محكمة الأسرة
ولاء لـ محكمة الأسرة : كل شوية نطرد عشان مش عارف يدفع الايجار
أمام محكمة الأسرة تواجدت «ولاء» في عينيها الحسرة والألم على سنين عمرها الضائعة مع زوج لم يكفي بيته من للمصاريف التي يحتاجها وفي النهاية دمر أسرته باستهتاره وعدم تحمله للمسئولية، بعد طردهم من عدة منازل لعدم دفعه الإيجار اضطرت الزوجة أن تتوجه لمحكمة الأسرة حتى تحصل على حقوقها المالية التي حرمها زوجها منها طوال سنين زواجهم.
قصص محكمة الأسرة.. ظروفه صعبة من ساعة ما اتقدملي
قالت ولاء في بداية حديثها: «أنا اتجوزت من 2016 خلفت من جوزي ولد وبنت، جوزي ظروفه كانت صعبة من ساعة ما اتقدملي وقبل ما نتجوز بس كنت بقول مش مهم ونقف جنب بعض ونمشي الدنيا وكل حاجة تعدي ولازم اقف جنب جوزي وهو كان طيب وغلبان وانا كنت موافقة اعيش معاه واتحمله».
حكايات محكمة الأسرة
تابعت ولاء كلامها قائلة: «بعد الجواز والخلفة نزلت واشتغلت عشان أساعده وأساعد في مصاريف البيت، لأنه مكنش قادر يكفي المصاريف لوحده، ومكنش عندي اعتراض وصبرت على ظروفه مع انه بعد ما اشتغلت بقى يريح ويعتمد عليا إني هصرف على البيت وعلى العيال، كان فيه بينا مشاكل كتير زي أي ناس عاديين والدنيا كانت بتمشي زي أي بيت عادي».
محكمة الأسرة
أكملت الزوجة حديثها قائلة: « المشاكل على المصاريف كانت كتيرة جدا كنا كل شوية نسيب البيت بسبب أن مش عارفين ندفع الإيجار وأنا مش قادرة اكفي مصاريف البيت والولاد والاكل والشرب وكمان الايجار انا كان مرتبي قليل أصلا ويدوبك على القد، وأنا كنت بحاول على قد ما اقدر مع صحاب البيت عشان منطردش لكن مفيش فايدة محدش كان بيصبر علينا وهو ولا فارق معاه ان كل شوية نترمي في الشارع ويقولي ده اللي عندي».
قضايا محكمة الأسرة..سيبت البيت ومسالش مشيت ليه
أنهت ولاء كلامها قائلة:«لحد ما الدنيا غليت وبقى صعب نسيب البيت كل شوية وننقل من مكان لمكان رحت وقعدت عند أهلي وهو مسألش ولا قال ايه السبب اللي مشيت عشانه و رامينا دلوقتي بقاله سنة ولا بيسأل ولا بيصرف جيت عشان أرفع عليه قضية نفقة عشان حقي انا وولادي».