نشرة أخبار محكمة الأسرة في أسبوع
محكمة الأسرة في أسبوع.. سلوى: مهددني بالقتل.. وأحمد: عايزة تمد إيدها عليا
تشهد محكمة الأسرة كل يوم آلاف القضايا من الخلع والطلاق تختلف أسبابها من زوجة لأخرى ولكن في النهاية يبقى الهدف واحد وهو التخلص من حياتهن الزوجية، يعرض موقع الحادثة أبرز القضايا التي شهدتها محكمة الأسرة خلال الأسبوع.
محكمة الأسرة.. سلوى: بقى واحد تاني بعد كتب الكتاب ومهددني بالقتل
لجأت سلوى لمحكمة الأسرة من أجل رفع دعوى طلاق من قبل أن تدخل عش الزوجية بسبب الزوج الذي تحول بمجرد كتب الكتاب ووجدت شخص أخر يهددها بالقتل دون سبب واضح لذا اختارت الفرار عندما أدركت الخطر الذي يحاصرها قبل بدء حياتهما الزوجية.
وقالت سلوى لقاضي محكمة الأسرة: "فكرت أكمل معاه بس يما لقيته هددني بالقتل مش فاهمة ليه وشوفت شكل حياتي بعد ما نبقى في بيت واحد هيبقى الوضع صعب جدًا ومش هعرف اتعامل معاه دا لو مقتلنيش أصلا، أهلي حاولوا يقنعوني ويقولولي انتي لسه مدخلتيش بيت الزوجية عشان تتطلقي بس أنا مستحملتش بصراحة ورحت رفعت عليه قضية طلاق".
نوال: طفشت بقالي 12 من عمايله وميعرفليش طريق جرة
لم تكمل نوال شهرها الثاني في عش الزوجية لتتخذ قرارها النهائي بترك المنزل دون علم زوجها، بعد ما تأكدت أنها لا تريد هذه الحياة، واكملت حديثها للقاضي قائلة: "لما فكرت كويس لقيت الحل إني أسيب البيت وفعلا سيبته في تاني شهر جواز وكدا بقالي 12 سنة ميعرفش عني أي حاجة خالص أنا والعيال، السبب اللي خلاني اسيب البيت هو المخدرات عشان مكنش شايف قدلمه أي حاجة غيرها، روحت عيشت في بيت عيالي، اختارت مكان هو مش عارفه، الحياة خدتني مع عيالي والشغل ومفكرتش في الخلع غير دلوقتي وجيت ارفع قضية خلع لسة بقالي شهرين بس"، وكانت دعوى الخلع بعد 12 عام هي الحل الوحيد.
محكمة الأسرة اليوم.. سامية: ابني مبهدلني من ساعة ما جوزي توفى
حياة مثالية عاشتها سامية في عش الزوجية على مدار 30 عام مع زوج يفعل كل ما بوسعه من أجل رضاها، تحول كل هذا في غمضة عين بعد وفاة الزوج لتجد ابنها الأكبر هو سبب تعاستها وشقاءها في الحياة بسبب معاملته القاسية والجافة معها.
أضافت لقاضي محكمة الأسرة: "بعد لما جوزت ابني قولت له نسدد فلوس الجهاز اللي عليا أنا وأنت اللي عشان كتير 153 ألف جنيه مش هعرف اسددهم لوحدي لقيته مد إيده عليت أنا وأخواته البنات الأربعة وبقا علطول قلة أدب ويشتم فيا في الرايحة والجاية، أنا وأخواته بقينا مقاطعينه، وهو ميعرفش أي حاجة عن أخواته البنات ولا حتى بيفكر يساعدني في جهازهم ولا أي حاجة، عندي بنت خلاص هتتجوز والمأذون قالي اعمل قرار وصايا وجيت محكمة الأسرة عشان اعمل قرار وصايا".
سعيد: خلعتني واتجوزت بعد ما كتبتلها الشقتين باسمها
حياة هادئة ومستقرة لا تحمل أي مشكلات أو خلافات بسبب الزوج المطيع الذي يفعل كل ما بوسعه من أجل إرضاء زوجته، وظن أنه ينال تقدير كل هذه السنوات، ولكن كان تقدير الزوجة مختلف تمامًا عنه وفجأته بدعوى خلع في محكمة الأسرة بعد مت قام بشراء شقتين تمليك بناءً على رغبتها، تابع سعيد لقاضي محكمة الأسرة حديثه: "كنت بحاول اعمل اللي تقدر عليه عشان اسعدها بأي طريقة وكل الي هي عايزاه كنت بحاول اعملهولها، وموضوع الشقة دا كان عشان خاطر متحسش إني حارمه من أي حاجة، بس اتصدمت لما لقيتها اختفت بقالها سنتين من غير أي مشاكل خالص ورفعت خلع، الكلام دا كان بعد ما كتبت الشقتين باسمها، واللي عرفته بعدين إنها عملت كدا عشان تتجوز في تعبي وشقايا".
محكمة الأسرة اليوم.. أحمد: عايزة تمد إيدها عليا عشان شاكة فيا
10 سنوات بالتمام والكمال عاشها أحمد في حياة سعيدة مع زوجته ولكن انقلبت حياتهما رأسًا على عقب في غمضة عين بعدما حاوطت الشكوك الزوجة من جميع الجهات وبدأت في افتعال المشكلات اليومية على هذا الأساس، حتطرق الأمر إلى دعوى خلع أقامتها الزوجة ضده في محكمة الأسرة، استكمل أحمد رواياته مؤكدًا: "كل ما تشوفني بتكلم في التليفون تقولي بتكلم مين وتفتحلي تحقيق، وتعمل خناقة من مفيش وكل مرة أحاول اعديها عشان احافظ على البيت والعيال، عديتلها كتير عشان خاطر البيت بس أخر مرة لقيتها مقابلاني في الشارع وعايزة تمد إيدها عليا، رحت اديتها بونية خدت فيها 8 غرز"، تركت الزوجة المنزل بعد هذه المرة ولجأت إلى محكمة الأسرة من أجل رفع دعوى خلع.