محكمة الأسرة اليوم
«ميعرفليش طريق جرة».. نوال أمام محكمة الأسرة: طفشت بقالي 12 سنة من عمايله
تشهد محكمة الأسرة كل يوم آلاف القصص والعجائب منها نوال التي قررت الفرار من منزل الزوجية منذ 12 عامًا بسبب إدمان زوجها الذي لم تتحمله سوى شهرين فقط، واختارت مكان لا يعرفه حتى لا يتمكن من الوصول إليها ويطلب منها العودة لعش الزوجية، لتعود بعد كل هذه السنوات وتقييم دعوى خلع ضده.
قصص محكمة الأسرة.. كنت فاكراها هيتغير بعد الجواز
بدأت نوال رواياتها للحادثة مؤكدة أنها لم تتحمل كثيرًا في عش الزوجية وقررت الفرار في الشهر الثاني من الزواج، تستكمل باقي تفاصيل قصتها وتقول: "هو جوزي التاني وكنت عارفة إنه بيشرب مخدرات من قبل ما اتجوزه بس قلت الدنيا هتتظبط بعد الجواز بس العكس هو اللي حصل اتجوزنا من هتا ولقيت بقف الموضوع بيزيد دا غير اكتشفت إنه تاجر مخدرات مش بيشربها بس".
حكايات محكمة الأسرة.. مستحملتش غير شهرين
شاورت نوال عقلها بعدما رأت القصو الكاملة من أول شهر في الزواج، وبعد مشاورات كثيرة بينها وبين حالها قررت الفرار من هذه الحياة في أسرع وقت وعدم الانتظار حتى ليوم أخر، تابعت قائلة: "أول شهر عدى وجيت في الشهر التاني من الجواز مقدرتش استحمل معاه حياتي بالطريقة اللي هو عايشها دي، ليل ونهار برا معرفش عنه حاجة ويجي أخر الليل وحياته كلها شرب وقرف، بصيت لقدام ولقيت الأحسن إني مكملش معاه".
عجائب محكمة الأسرة.. طفشت بقالي 12 سنة
لم تكمل نوال شهرها الثاني في عش الزوجية واتخذت قرارها النهائي بترك المنزل دون علمه، تستكمل الزوجة باقي حكاياتها للحادثة وتقول: "لما فكرت كويس لقيت الحل إني اسيب البيت وفعلا سيبته في تاني شهر جواز بقالي 12 سنة وروحت عيشت في بيت عيالي، اختارت مكان هو مش عارفه عشان ميعرفش يوصلي خالص، الحياة خدتني مع عيالي والشغل ومفكرتش في الخلع غير دلوقتي وجيت ارفع قضية خلع لسه بقالي شهرين بس".
تابع أحدث الأخبار عبر
