محكمة الأسرة اليوم
«مهددني بالقتل».. سلوى بدعوى طلاق: بقى واحد تاني بعد كتب الكتاب
لجأت سلوى لمحكمة الأسرة لرفع دعوى طلاق من قبل أن تدخل عش الزوجية؛ بسبب الزوج الذي تحول بمجرد كتب الكتاب ووجدت شخص آخر يهددها بالقتل دون سبب واضح، لذا اختارت الفرار عندما أدركت الخطر الذي يحاصره قبل الدخول لعش الزوجية.
قصص محكمة الأسرة.. كان كويس معايا قبل كتب الكتاب
“كان كويس معايا في الخطوبة وكنا كويسين ومفيش أي حاجة بس كل حاجة اتشقلبت بعد ما كتبنا الكتاب" كانت هذه الكلمات الأولى التي بدأت بها الزوجة رواياتها لقاضي محكمة الأسرة مؤكدة على معاناتها التي تعيشها معه بعد ما كشفت شخصيته الحقيقية التي كانت سبب لجوزها لرفع دعوى طلاق قبل بداية حياتها الزوجية.
حكايات محكمة الأسرة.. فكرت استحمل معاه
فكرت سلوى كثيرًا ان تتغاضى عن أسلوب زوجها الجديد وتكمل تجهيزات فرحها ولكنها لم تقدر على استكمال حياتها المستقبلية معه بهذه الطريقة لذا كان الحل المناسب لها هو اللجوء إلى محكمة الأسرة ورفع دعوى طلاق.
تابعت: "كتبنا الكتاب من هنا ولقيت واحد تاني خالص معايا مش عارفة ليه، طريقته وأسلوبه اتغيروا معايا وبقا يزعقلي ويضربني على أي حاجة، أهلي قالوا لي معلش استحملي انتي لسه متجوزتيش وأنا كنت بفكر أكمل حياتي وخلاص واتأقلم على الوضع".
عجائب محكمة الأسرة.. هددني بالقتل
فشلت الزوجة في التأقلم على هذه الحياة لذا كانت محكمة الأسرة هي الحل المثالي بالنسبة لها خصوصًا بعد تهديدها بالقتل دون أي سبب، قررت التوجه إلى محكمة الأسرة على الفور.
تستكمل حكاياتها لقاضي محكمة الأسرة قائلة: “فكرت إني أكمل معاه بس هددني بالقتل مش عارفة ليه أو أنا عملتله إيه أصلا، لما ركزت في شكل حياتي بعد ما نبقى في بيت واحد هيبقى الوضع صعب جدًا ومش هعرف أكمل معاه دا لو مقتلنيش أصلا”.
أنهت حكاياتها وقالت: "خلاص مش عايزة أكمل معاه حياتي وأهلي حاولوا يقنعوني ويقولولي انتي لسة مدخلتيش بيت الزوجية عشان تتطلقي بس أنا مستحملتش بصراحة ورحت رفعت عليه قضية طلاق".