أخبار محكمة الأسرة اليوم
سلمى لـ محكمة الأسرة : هرب عشان ميدفعش مصاريف الولادة
تزوجت سلمى ولم تكن تعلم أن محكمة الأسرة هي النهاية التي ستصل لها بعد أزمتها مع زوجها، الذي عندما تقدم لخطبتها لم تعلم أنه سيكون سبب الحزن والشقاء في حياتها هو وأهله ، وبعد خلافات عديدة بين الزوجين سببها عدم صرف الزوج أي أموال عليها وصل به الأمر أنه تركها في المستشفى عندما كانت تلد طفله ليتهرب من تحمل المسؤولية.
قصص محكمة الأسرة.. الدنيا كانت كويسة أيام الخطوبة
قالت «سلمى» في بداية حديثها: «أنا اتجوزت من 3 سنين وكان جواز صالونات تقليدي، جوزي اتقدملي بعد ما ناس قالوله عليا هو مكنش يعرفني ، وبعدها اتقدملي وسألنا عليه واتخطبنا واتجوزنا على طول والدنيا في الخطوبة كانت تمام ومفيش مشاكل ومعرفتش منها إنه ممكن يعمل معايا اللي عمله ده».
حكايات محكمة الأسرة.. المشاكل من أول الجواز
تابعت «سلمى» حديثها قائلة: «المشاكل مع جوزي بدأت من أول الجواز كان عصبي جدا وبتاع مشاكل وحوارات هو وأهله، مكنش باين عليهم أي حاجة وقت الخطوبة، حاولت اعديله كتير بس المشاكل كل مادى كانت بتزيد ومبتقلش ومكنش فيه فايدة معاه، كانوا بيعملوا مشاكل على أي حاجة أي كلمة أقولها يتعمل عليها مشكلة».
دعاوي محكمة الأسرة.. هرب عشان ميدفعش مصاريف الولادة
أضافت الزوجة : «المشاكل معاه كانت بسبب المصاريف كان مبيصرفش غير قليل جدا ولو كلمته على المصاريف يقول معيش وإذا كان عجبك، شوفت منه بهدلة واهانة كتير، وكنت بسيب البيت عشان أهرب منه لحد اخر مرة سيبته كنت حامل ، سابني فترة من غير مصاريف ليا ولا لعلاجي وطول شهور الحمل كلها مسألش فيا ولا صرف عليا جنية، لا مصاريف عادية ولا مصاريف علاج أو أي حاجة ويوم ما ولدت جه بالعافية بعد ما اتحايلوا عليه وبعد ما جه مشي على طول عشان ميدفعش ويهرب من مصاريف الولاده».
قضايا محكمة الأسرة.. هربان ومش راضي يطلقني حتى
أنهت «سلمى» حديثها قائلة: «مرضيش يجي يسجل الولد حتى أهلي اللي سجلوه عشان معايا عقد الزواج وصوره بطاقة جوزي، ودلوقتي هربان ومعرفش مكانه فين واهله محدش بيرد عليا خالص ومحدش عايز يقولي هو فين حتى مجاش يطلقني، ورفعت عليه قضية خلع ونفقة عشان أخلص منه».
تابع أحدث الأخبار عبر
