أخبار محكمة الأسرة اليوم
محكمة الأسرة .. وفاء: حماتي بتسلط جوزي عليا يطردني ويطلقني
تواجدت وفاء في محكمة الأسرة بعد حياة ملأتها المشاكل والخلافات مع زوجها وأهله، منذ زواج وفاء وانهالت عليها المشاكل بسبب زوجه الذي كان ضعيف الشخصية أمام أهله ولم يقدر زوجته أو يصونها أبدا فتركها وحدها دون معين أو مساعد، ووجدت الزوجة نفسها تواجه حماتها وحدها التي كانت تريد أن تطردها من بيتها ولم ترد أبدا أن تتركها تعيش حياة طبيعية مع زوجها وأسرتها، حتى اضطرت الزوجة التوجه لمحكمة الأسرة حتى تحصل على حقها في بيتها الذي طردت منه بسبب الظلم الذي تعرضت له
قصص محكمة الأسرة..اتجوزت في بيت عيلة والمشاكل بتزيد
قالت «وفاء» في بداية حديثها: «أنا اتحوزت من 8 سنين خلفت من جوزي ولد واحد، كنا ساكنين في بيت عايلة زي بقيت أهل البلد بتاعتنا وافقت واتجوزته وبعد الجواز المشاكل كلها بدأت من أول شهر جواز وأنا في مشاكل وكل مادى بتزيد».
حكايات محكمة الأسرة.. حماتي بهدلتني طول فترة جوازي
تابعت «وفاء» حديثها قائلة: «الأول المشاكل بيني وبين أهل جوزي كانت العادية وبتتحل لكن بعد كدة بقت بتزيد أكتر وأكتر، حماتي كانت مخليه الحياة مع جوزي مستحيلة، كانت في الرايحة والجاية تعمل معايا مشكلة في مشاكل من ساعة ما اتجوزت بسببها، اتحملتها كتير قلت عشان خاطر جوزي وابني ومخربش بيتي لكن مفيش فايدة».
دعاوي محكمة الأسرة.. سيبت جوزي عشان أهله
أضافت الزوجة: «على طول كان فيه بيني وبينه مشاكل بس علشان هو ساعات يبقى كويس معايا كنت بعدي الدنيا ومرضيتش اسيبه وقلت يمكن يبقى كويس، لكن حماتي طول الوقت عايزاني أسيب البيت وتخلي جوزي يطلقني، بعد فترة المشاكل بيني وبينهم زادت تاني قالولي أمشي من البيت وطردوني فعلا وقتها مشيت لأني كنت مش عايزاه ولا عايزة أكمل معاه بعد اللي شفته منه ومن أهله هو كان مبيقفش في صفي أبدا».
قضايا محكمة الأسرة.. رفعت قضية تمكين عشان أخد حقي
أنهت «وفاء» حديثها قائلة: «جوزي رجعني بعد ما مشيت عشان خاطر العيال وبعدها لقيتهم زي ما هما ومتغيروش طردوني تاني وبقوا يعملوا مشاكل بسبب ومن غير سبب أخر مرة رفضت أمشي ورفعت قضية تمكين عشان أعرف أخد حقي».