محكمة الأسرة وحكاويها .. آلاء: طردني في الشارع بعد 4 شهور جواز

كانت محكمة الأسرة هي نهاية الطريق الذي وصلت له "آلاء" بعدما طردها زوجها وتركها وحدها دون سؤال أو رعاية وظلمها وهي لم يكن في نيتها أي غدر أو كره اتجاهه، لكن ما وجدته الزوجة مقابل رعايتها وحبها لزوجها القسوة والغدر منه بدون سبب مبرر، وعندما تدمر حلم ألاء في تكوين بيت وأسرة توجهت لمحكمة الأسرة حتى تحصل على مستقبل طبيعي مرة أخرى بعد المعاناة التي عاشتها مع زوجها الذي دمر المستقبل في عينيها.

اقرأ أيضا

محكمة الأسرة.. أميرة بدعوى خلع: خد دهبي وعفشي وطفش

قصص محكمة الأسرة.. مسألتش على جوزي قبل الجواز عشان قرايب

قالت «آلاء» في بداية حديثها : «أنا اتجوزت من كام شهر بس، انا وجوزي كنا قرايب من بعيد، لما اتقدملي مسألتش عليه أنا ولا أهلي على أساس إننا قرايب وقلت كفاية إننا عارفين أصله بس دي كانت غلطتي كان لازم أسأل عليه قبل ما نتجوز».

حكايات محكمة الأسرة.. بعدي المشاكل أنا وأهلي عشان الجوازة متبوظش

تابعت «آلاء» حديثها قائلة: «المشاكل معاه بدأت من قبل ما نتجوز حتى كان عصبي جدا وبتاع مشاكل وعلى طول لازم اخلي بالي من أي كلمة بقولهاله عشان ميحصلش مشكلة الخناقات بينا كانت كتيرة بس أنا وأهلي كنا بنعدي عشان ميحصلش مشكلة والجوازة تبوظ». 

اقرأ أيضا

محكمة الأسرة.. منى : ضرتي اقنعته إن خلفتي بنات وطلقني بسببها

دعاوي محكمة الأسرة.. محدش وقف جنبي وكنت لوحدي

أضافت الزوجة: «بعد الجواز وشه الحقيقي بان وإن كل اللي قبل كدة مكنش حقيقة كان بيضربني من أول ما اتجوزنا، بسبب ومن غير سبب ولما اشتكيت لأهلي قالو مش هينفع اطلق ولما اشتكيت لأهله قالوا اتحملي جوزك محدش وقف جنبي وكنت لوحدي».

قضايا محكمة الأسرة.. بيساومني عشان يطلقني 

أنهت «ألاء» حديثها قائلة: «لحد أخر مرة حصلت مشكلة ضربني وطردني من البيت الساعة 12 بليل كان بعد 4 شهور جواز بس، خد كل حاجتي ومانع إني ادخل بيتي تاني، ودلوقتي رافض يطلقني بيقول عشان أطلق اتنازل عن كل حاجتي وكل حقوقي ومخدش منه اي حاجة، جيت ارفع قضية طلاق للضرر ومعايا شهود أنه كان بيضربني وطردني في نص الليل يمكن أقدر اخد حقي وقتها».