محكمة الأسرة اليوم
محكمة الأسرة.. أميرة بدعوى خلع: خد دهبي وعفشي وطفش
لم تتخيل أميرة أنها تعرف طريق محكمة الأسرة في ثاني سنة زواج لها بعدما رسمت أحلام سعيدة بأنها تكمل مع زوجها باقي حياتها في بيت مستقر لكن لم تحلم كثيرًا ووجدت حالها في كابوس تريد التخلص منه بأي طريقة، وكانت الطريقة الوحيدة التي تساعدها هي دعوى خلع في محكمة الأسرة بعدما هرب الزوج من المنزل والاستيلاء على ذهبها الخاص.
حكايات محكمة الأسرة.. كان مفيش زيه في الخطوبة
بدأت أميرة رواياتها لـ الحادثة مؤكدة على أنها عاشت فترة خطوبة تكاد تكون مثالية بكل المقاييس ولكنها لم تتوصل للسبب الذي جعله يتصرف معها بهذه الطريقة، أضافت قائلة: "في الخطوبة كان كويس جدًا معايا ومفيش أي مشاكل، وفي أول الجواز برضوا كان بيعاملني بما يرضي الله معرفش إيه اللي حصل بعد كدا".
قصص محكمة الأسرة.. حياتي اتشلقبت بعد ما خلفت
بدأت حياتها تتغير بعد إنجابها للمولود الأول لهما الذي اعتقدت أنه يكون سبب لرسم السعادة في حياتهما ، ولكن في الحقيقة كان الواقع غير الذي حلمت به، وبدأت التعاسة تعرف طريقها، استكملت أميرة باقي رواياتها وتقول: "كنت فاكر لما أخلف الدنيا هتتغير وهتبقى الدنيا كويسة بينا أكتر وأكتر بس اللي حصل عكس كدا خالص والمشاكل كلها بدأت بعد ما خلفت"، تابعت: "رحت بيت أهلي عشان أولد هناك وفضلت أسبوع وأسبوعين وشهر وشهرين ومجاش ياخدني، استغربت ومكنتش فاهمة إيه اللي بيحصل".
أخبار محكمة الأسرة.. خد دهبي وعفشي وعزل
كانت المفاجأة الكبرى لأميرة بعدما علمت بسبب اختفاء زوجها، تابعت أميرة تفاصيل قصتها لـ الحادثة: "استغربت منه إنه مجاش ياخدني بعد الولادة ومكنتش عارفة إيه السبب، بس عرفت بعدين إنه خد دهبي اللي في الشقة والعفش كله وعزل ومعرفش عنه أي حاجة لحد دوقتي، وكلمته مرة واتنين عشان أعرف هو فين بس مش عارفة أوصله خالص"، اختتمت قصتها قائلة: "جيت محكمة الاسرة عشان ارفع عليه قضية خلع واخلص منه وهو عامل زي اللهو والخفي"، ولا تزال الدعوى منظورة في المحكمة حتى الآن.
تابع أحدث الأخبار عبر
