«مليش ضهر في الدنيا»..همسة لـ القاضي: جوزي طردني بعيالي واتجوز على العفش
كانت «همسة» في محكمة الأسرة وحدها بسبب الظلم الذي رأته في حياتها أولًا من زوجها ثم من أهلها الذي لم يقفوا بجانبها بعد تركها لزوجها الذي عذبها في حياتها معه، كان من يرافقها في رحلتها الحسرة والدموع.
همسة لـ القاضي: جوزي طردني بعيالي واتجوز على العفش
سنين عاشتها «همسة» مع زوجها الذي لم ترى معه يوم فيه سعادة وراحة ولكن عاشت أيام يملأها الحزن والحسرة بسبب ضرب زوجها المستمر لها بسبب أو بدون سبب، وتحملته الزوجة طوال هذه السنين من أجل أولدها ولأنها تعلم أنه لن يقف معها أحد في الدنيا، وعندما فاض بها الكيل من حياتها مع زوجها وطردها فذهبت لتعيش مع أختها لم تجد الراحة معها وطردتها أختها لتجد نفسها كما توقعت وحدها في الدنيا، حتى توجهت لمحكمة الأسرة لتحصل على حقوقها من زوجها الذي تزوج عليها في بيتها وعلى عفشها وهي لا تجد حتى سرير لتنام عليه هي وأطفالها.
اقرأ أيضا
بستحمله عشان ولادي
قالت «همسة»: أنا اتجوزت جواز صالونات من 13 سنة، خلفت من جوزي ولد وبنت ومن ساعة جوازنا واحنا في مشاكل، كان على طول بيضربني ويبهدلني بسبب أو من غير سبب، كنت بستحمل عشان ولادي ومخربش بيتي، وأنا أبويا وأمي متوفيين وأخواتي كل واحد عنده حياته محدش هيشيل همي أنا وولادي لما اسيب جوزي.
ضربني وطردني من بيتي
تابعت «همسة»: جوزي كان عارف اني مليش حد اروحله عشان كدة كان بيستغل كل مرة تحصل مشكلة كان بيطردني من البيت ويقولي مش عايزك، وفي الأخر الجيران هما اللي كانوا بيتدخلوا وبيرجعوني للبيت، وبعد مشاكل كتير وكل مرة كان بيزيد في الضرب والإهانة، أخر مرة عمل مشكلة معايا وضربني وطردني من البيت وقالي روحي عند أهلك ومش عايزك.
محدش وقف جنبي
أكملت «همسة»: من ساعة ما سيبته مخدتش منه حاجة، ومحدش وقف معايا ولا ساعدني من أهله اللي كانوا بيقولوا عليا بنتهم، أو أهلي اللي أنا بنتهم فعلا، كنت قاعدة عند أختي سنة ونقلت سكن أقدر أقعد فيه أنا وعيالي خدت عفش أبويا القديم والجيران ادوني عفش قديم وصاحب البيت بيراعيني في الإيجار، أختي ست كبيرة ومستحملتش دوشة عيال وابنها بيتجوز ومش عايز يصرف ولا يشيل مسئولية حد.
دعوى نفقة
أضافت «همسة»: وجوزي لحد دلوقتي مطلقنيش ومعرفش حاجة عنه عرفت من بره إنه اتجوز بعد سنة لما سيبته، اتجوز على عفشي مش عارفة أخد منه الشقة، ورفعت قضية نفقة لما لاقيت العيال مش عايزين يرجعوا لأبوهم تاني كارهنيه من اللي عامله فيهم، وكان عندي استعداد ارجعله واستحمل بهدلته عشانهم لكن هما قالولي لو رجعتي هيموتك وانا برضو كنت خايفة هيعمل فيا ايه لو رجعلته.