منال في دعوى خلع: سايبني أنا والعيال عشان يتسرمح مع طليقته
أقدمت "منال" على الزواج من رجل مطلق بعدما رأوا الأهل انها تتقدم في السن وعليها القبول لأي رجل مهما كانت ظروفه، تزوجت منه بعد ما رأت كل الخير منه طوال فترة الخطوبة ما جعلها ترى شكل حياتها بعد الزواج وهي تملأها السعادة ولكن ما وجدته هو الخلافات التي ازدادت رويدًا رويدًا بسبب خروجه كثيرًا خارج المنزل دون أن يرعى بيته وأولاده.
فكان السبب وراء اختفاءه هو التحدث مع طليقته، تبدأ الزوجة تروي لنا تفاصبل قصتها وأول عبارة بدأت بها حديثها هي "كنت عارفة إنه مطلق بس كان بيقولي دائمًا إنه مفيش أي علاقة بينهما"، مؤكدة على المعاملة المليئة بالحب التي يتبعها من قبل الزواج ولكنها لا تدري ما الذي حدث بعد الزواج، تابعت: "اضطريت اتجوز واحد مطلق عشان كنت خلاص بكبر في السن واهلي قالوا لي هو كويس وشغال شغلانة كويسة مش مهم مطلق ولا لا، سمعت كلامهم واتخطبنا وطول فترة الخطوبة مشوفتش منه أي حاجة وحشة بصراحة خالص".
مشوفتش منه غير سنة عدلة
أضافت: "وأنا لما شفت معاملته معايا في الخطوبة فرحت وحبيته وأنا كمان كنت براعي ربنا فيه وبعامله بما يرضي الله، اتجوزنا وقعد اول سنة كويس ومفيش أي حاجة بس بعد كدا معاملته بدأت تتغير معايا بس كنت بحاول أمشي الدنيا ومعملش مشاكل"، تستكمل منال حديثها: "خلفت العيل الأول والتاني وكانت معاملته بتزيد في الشتيمة والتهزيق، وكنت بحاول على أقد ما أقدر أمشي الدنيا بس اللي مقدرتش أعديه لما عرفت إنه بيكلم طليقته".
سايبني انا والعيال عشان يتسرمح معها
تغاضت الزوج عن أفعاله التي سئمت منها من أجل استقرار بيتها ولكن الشيء الذي لم تعرف كيف تتغاضى عنه هو معرفتها بحديثها مع طليقتها الذي كان يؤكد لها أنه قطع علاقته بها نهائيًا، أضافت منال: "بقاله فترة بيختفي كتير ويتأخر برا وأنا كنتة بقول عادي عايز يقعد مع صحابه خليه براحته بس الموضوع بدأ يزيد، في يوم لقيت ست بتكلمني في التليفون وبتقول لي جوزك بيسيبك انتي وعيالك عشان يجيلي"، تتابع الزوجة باقي قصتها قائلة: "كنت كل ما أسئله بتروح فين يقول لي عند صحابي وأنا زي الهيلة بصدقه عادي، بس من ساعة ما عرفت إنه رجع يكلم طليقته وبيسيبني أنا والعيال عشان يروحلها وأنا مش قادرة أكمل معها يوم واحد تاني"، عزمت الزوجة على الذهاب لـ محكمة الأسرة من أجل إقامة دعوى خلع بعدما عرفت السىبب وراء اختفاءه.