زواج مع وقف التنفيذ.. مها: مرات أخويا سابت البيت من سنتين ومبهدلاه عشان النفقة
رغم اعتراض أسرته عليها، تمسك بها وحارب الدنيا من أجلها، ليجد نفسه في النهاية أمام قاضي محكمة الأسرة، مطالبا بدفع نفقة، وبينما يقف مذهولا من فعل زوجته التي حولت حياته إلى جحيم قالت شقيقته إن زوجة أخيها حرمته من أبسط حقوقه الزوجية، فقد كانت تعيش في منزل وهو في منزل، وكأنه زواج مع إيقاف التنفيذ.
قصص محكمة الأسرة.. أخويا كان جوزها التاني
وأكد «مها» في بداية حديثها: «أنا جيت عشان أشهد مع أخويا اللي مرفوع عليه قضايا في محكمة الأسرة من مراته، هما اتجوزوا من 5 سنين تقريبا، هو اتعرف عليها وحبها وصمم يتجوزها، وكان الجواز تاني ليها، ومخلفة ولدين من جوزها الأول، ومن ساعة جوازهم وولادها عايشين مع أمها وملهمش علاقة باخويا».
دعاوي محكمة الأسرة.. صمم يتجوزها
أكملت «مها» حديثها وقالت: «محدش فينا كان موافق عليها في الأول عشان عندها عيال وكنا خايفين عليه من المسؤولية، بس لما هو صمم عليها محدش وقف قدامه، وطول السنين اللي فاتت كانوا كويسين مع بعض بس بعد كدة حصل مشاكل بس قلنا إنها مشاكل زي أي اتنين عادي، واخويا مكنش بيشتكي وكان ساكت».
حكايات محكمة الأسرة.. مرات أخويا سابته
تابعت «مها» حديثها قائلة: «لحد ما حصل بينهم مشاكل بسبب الخلفة لأنها كانت رافضة تخلف تاني واخويا كان عايز يخلف لأنه مخلفش قبل كدة وهي كانت رافضة، دي كانت أكبر مشكلة بينهم، بس بعد كدة اتصالحوا واتفاجئنا بعد كدة أنها سابت البيت، وسايبة أخويا بقالها سنتين دلوقتي وراحت قعدت مع ولادها».
عايزة النفقة وهي مش عايشة معاه
أنهت «مها» حديثها قائلة: «رافعة قضية نفقة زوجية عليه وهي مش عايشة معاه في نفس البيت سايباه بقالها سنة وداخلة في التانية، رافعة قضية النفقة بقالها شهور ولما حاول يكلمها عشان ترجع رفضت ترجع أو تتنازل عن القضية، هو رافض يطلقها لأنه لسه بيحبها وهي كل ما نكلمها تقول مش عايزة ترجع، وجيت مع أخويا أشهد أنها سايبة البيت بقالها سنتين وملهاش حق تاخد النفقة الزوجية، وأن أخويا كان كويس معاها وبيصرف مش مخليها محتاجة حاجة فميش داعي للقضية أصلا».
تابع أحدث الأخبار عبر
