أخبار محكمة الأسرة
هند لـ محكمة الأسرة: طردني في الشارع عشان خلفت بنت
دعوى نفقة في محكمة الأسرة رفعتها «هند» بعد طرد زوجها لها بسبب أنها انجبت فتاة ولم تنجب ولد، ترك الزوج أفكاره المتخلفة ان تسيطر عليه حتى طرد زوجته وابنته فور ولادتها لرغبته في انجاب الولد، ومنذ ولادة الطفلة الصغيرة التي لا ذنب لها لم يراها والدها أو يسال عليها ، ولم يعرف حتى شكلها حتى اضطر الأم أن تتوجه لمحكمة الأسرة لتحصل على حقوق ابنتها.
قصص محكمة الأسرة.. جواز تقليدي مفيش منه مشاكل
قالت «سارة» في بداية حديثها :«انا متجوزة من ٤ سنين، جواز تقليدي أهلي كانوا يعرفوا أهله من زمان اتقدملي ةاتجوزنا وفترة الخجوبة كانت صغيرة ولحد ساعتها الدنيا كانت تمام ومفيش منه مشاكل، كتى في اول الجواز كانت المشاكل صغيرة وهو وأهله كانوا ناس كويسين ».
دعاوي محكمة الأسرة..كان مستعجل على الخلفة
أكملت «سارة» حديثها وقالت: «بعد الجواز هو كان مستعجل على موضوع الأطفال وكان عايز يخلف، بقينا نلف على دكاترة كاير حدا عشان موضوع الأطفال والخلفة، لحد ما ربنا كرمنا وحملت بعد سنتين جواز، كنا فرحانين جدا وحمدت ربنا ».
حكايات محكمة الأسرة..كان عنده امل الدكتور يبقى غلطان
تابعت «سارة» حديثها قائلة: «بعد الحمل كنت بتابع مع دكتور وقالي اني حامل في بنت جوزي اتضايق جدا وقتها، لأنه كان عايز ولد مش عايز بنت، فضل طول الوقت كان عنده أمل أن ساعه الولاده ممكن الدكتور يكون غلطان وتطلع ولد، بس لما ولدت طلعت بنت زي ما الدكتور قال ».
قضايا محكمة الأسرة..ميعرفش شكل بنته ولا بيسأل عليها
أنهت «سارة» حديثها قائلة: «بعد الولادة قعدت عند اهلي فترة مكنش بيكلمني في التليفون حتى، وبعدها طردني ببنتي بعد الولادة، من غير ما يشوف البنت حتى طردني وقال مش عايزكم انتم الاتنين، ومن وقتها مسألش فينا وعايش حياته ولا كأن اتجوز وعنده بنت واهله موافقينه وواقفين معاه لأن هما مكنوش عايزين بنات برضوا، ميعرفش شكل بنته ولا بيسأل عليها، ولما كل الحلول الودي فشلت جيت ارفع عليه قضية نفقة عشان حق بنتي اللي ملهاش ذنب في اي حاجة وابويا اللي بيصرف عليها».
تابع أحدث الأخبار عبر
