أخبار محكمة الأسرة اليوم
شروق: ساب البلد وسافر عشان مجبتلوش الولد اللي هو عاوزه
كانت محكمة الأسرة هي الحل الأخير الذي لجأت إليه «شروق» بعد هجر زوجها لها فور إنجابها فتاة بدلا من الولد الذي حلم به، وتهرب من السؤال على ابنته ولم يرها منذ ولادتها، ما دفعها إلى التوجه لمحكمة الأسرة للحصول على حقوقها التي حرمت منها.
قعدني في البيت بعد الجواز
قالت «شروق» في بداية حديثها: «أنا كنت متجوزة من 9 سنين، اتعرفت على جوزي عن طريق مكان الشغل اللي كنا بنشتغل فيه، وكان كويس جدا ومحترم وابن ناس، وبعد الجواز قعدني من الشغل وبقى هو اللي بيشتغل وبيصرف على البيت وأنا وافقت وقعدت في البيت».
دعاوي محكمة الأسرة..جوزي كان نفسه في بنت
أكملت «شروق» حديثها وقالت: «أول الجواز مكنش فيه مشاكل بيني وبينه أهله بس هما اللي كانوا بيعملوا مشاكل، بس أنا كنت بعدي وأقول معملش مشاكل عشان مخربش بيتي، لحد ما حملت وجوزي كان نفسه في ولد بس ربنا كرمنا ببنت بدل الولد وقتها جوزي اتضايق جدا وكان مش مبسوط».
هرب بره مصر ومش بيصرف
تابعت «شروق» حديثها قائلة: «بعد ولادة بنتي بشهر واحد بس جوزي سافر وقال إن جاله شغل بره مصر وهيبعت المصاريف اللي هحتاجها أنا وبنتي، ومن ساعة ما سافر مبعتش جنيه ليا أو ليها، حاولت أوصله كتير لكن فشلت وأهله مش راضين يعرفوني أوصله ازاي، ورحت عند أهلي عشان ملقتش حد يقف جنبي ولا حد يصرف علينا».
قضايا محكمة الأسرة..مش عارفة أخد منه حقي وحق بنتي
أنهت «شروق» حديثها قائلة: «لما سيبت البيت حماتي غيرت كالون الشقة، وقافلة على حاجتي دلوقتي، أنا مش عايزة منهم حاجة غير حاجتي اللي أهلي جابوهالي وقلتله هتنازل عن كل حاجه بس أخد حاجتي رفض وقالي مش هتطولي مني حاجة، وجيت المحكمة عشان ارفع عليه قضية نفقة عشان بنتي اللي مبيسألش فيها من ساعة ما اتولدت، ورفعت قضية بالقايمة عشان أخد حاجتي منه لأن لحد دلوقتي حتى هدومي خدوها ومش عارفة أخد منهم حاجة».
تابع أحدث الأخبار عبر
