أخبار محكمة الأسرة
«عيان ميخصنيش».. فدوى: مش عاوز يصرف على ابنه اللي بيصارع الموت
رفعت «فدوى» دعوى نفقة في محكمة الأسرة وكان سبب رفع هذه القضية هو هرب زوجها منها ومن تحمل المسئولية ومعالجة ابنهم المريض، وبعدما وجدت الزوجة نفسها وحدها في الدنيا دون سند توجهت لمحكمة الأسرة لتحصل على حقوق ابنها الذي لا يوجد له سند في الدنيا سوى امه
قصص محكمة الأسرة.. ظروفه كانت صعبة في الأول
قالت «فدوى» في بداية حديثها: «أنا اتجوزت من 9 سنين وخلفت من جوزي ولد واحد بس، أنا وهو كنا قرايب من بعيد، في أول الجواز وقبل الخلفة الدنيا كانت عادية ومفيش مشاكل، كان اول ما اتقدملي معهوش فلوس وظروفه صعبة بس بعد كدة ربنا فتح عليه وبقى شغال ومعاه فلوس».
دعاوي محكمة الأسرة..ابني عنده عيب خلقي في القلب
أكملت «فدوى» حديثها وقالت: « بعد سنتين جواز خلفت ابني وكنا فرحانين وحمدنا ربنا، وبعد فترة من ولادته اكتشفت إنه تعبان وعنده عيب خلقي في القلب وعنده تأخر لغوي، في الأول جوزي كان مهتم بالولد وبيلف معايا عند الدكاترة بعد كدة بطل وبقى مش عايز يروح معايا عند الدكتور ولا يتابع حالته».
حكايات محكمة الأسرة.. مش راضي يصرف على ابنه العيان
تابعت «فدوى» حديثها قائلة: «بعد كدة جوزي بقى مش عايز يصرف ولا يديني فلوس اجيب بيها علاج لابني وكان محتاج عملية وقالي مش هدفع جنية ومش معايا حاجة واتصرفي، مع إنه معاه ومعرفش لحد دلوقتي مبقاش عايز يصرف على الولد ليه، لحد ما في يوم راح الشغل ومرجعش اختفى ومعرفلوش طريق من ساعتها».
قضايا محكمة الأسرة..رامي ابنه عشان عيان
أنهت «فدوى» حديثها قائلة: «كلمته كتير وحاولت معاه انه يرجع وهو لما رد عليا قالي إنتي وابنك مبقيتوش تلزموني قلتله طب ابعت مصاريف عشان الولد اللي عيان قالي ميخصنيش، كلمت اهله يقنعوه يرجع لكن مفيش فايدة، من ساعة ما مشي مرجعش تاني ومش عايز يصرف جنية على الولد، لحد ما اضطريت ارفع قضية نفقة عشان أعرف اكفي مصاريف علاج ابني طول الفترة اللي فاتت أهلي كانوا بيصرفوا على علاجه لكن المصاريف كترت ومش قادرين يكفوا».
تابع أحدث الأخبار عبر
