أخبار محكمة الأسرة
محكمة الأسرة وحكايتها.. حسناء: بيهدد العيال إنه هيحبسني وهيحرمني منهم
سبقت «حسناء» زوجها وتوجهت لأبواب محكمة الأسرة حتى ترفع عليه دعوى نفقة المعاناة التي عاشتها مع زوجها استغل طرده من محل عمله حتى يتوقف عن العمل تمامًا ولا يتحمل مسؤولية بيت أو أسرة ودمر بيته وأسرته، مازال يحاول أن يدمر مستقبل أبنائه ويحرمهم من أمهم مستغلا دعاوى محكمة الأسرة حتى يحرق قلب زوجته وأبنائه.
قصص محكمة الأسرة.. حياتنا كانت عادية زي أي اتنين
قالت «حسناء» في بداية حديثها: «أنا متجوزة بقالي 13 سنة ومخلفة من جوزي بنتين وولد، كان جواز عادي زي أي اتنين، اتقدم لي وسألنا عليه وطلع كويس واتجوزنا، والحياة في الأول كانت عادية وماشية ومفيش مشاكل بينا وبين بعض غير الطبيعية زي أي اتنين حياتنا كانت عادية جدا».
دعاوي محكمة الأسرة.. جوزي اطرد من شغله
أكملت «حسناء» حديثها وقالت: «المشاكل كلها بدأت من 5 سنين تقريبا لما جوزي ساب شغله، الشركة اللي كان شغال فيها مشوه عشان مكنش معاهم فلوس يدوهم مرتب، من وقته واحنا حالتنا المادية صعبة ومعناش فلوس لأي حاجة ولا مصاريف البيت ولا مصاريف العيال ».
حكايات محكمة الأسرة.. عجبته قعدة البيت
تابعت «حسناء» حديثها قائلة: «رغم الظروف الصعبة دي أنا اتحملت وعيشت وقلت معلش هو مش وحش معاكي ولا مع العيال واستحملي ظروفه وبكرة ربنا يكرمه، وكنت بستلف من أهلي ومن أهله ومن أي حد نعرفه عشان نعرف نمشي أمورنا، لكن هو قعد في البيت وعجبته القعدة بقى مبيشتغلش ومش عايز ينزل حتى يدور على شغل عشان نقدر نعيش زي البني ادمين».
قضايا محكمة الأسرة.. بيهدد الولاد بحبسي
أنهت «حسناء» حديثها قائلة: «حصل بينا مشاكل كتير بسبب الموضوع ده وكل مرة تحصل مشكلة يقولي ده اللي عندي إذا كان عاجبك، وفي أخر مرة مشيت وسيبت الولاد وبعدها هما ستبوه وجم قعدوا معايا، وجيت المحكمة عشان ارع عليه قضية نفقة عشان نعرف نعيش انا وولادي، والولاد كل شوية يتصل بيهم يطمن عليهم وبعد كدة يهددهم و يقولهم انا ممكن ارفع على امكم قضيه و اجيبها لحد عندي في الطاعة او احبسها واخدكم منها»
تابع أحدث الأخبار عبر
