أخبار محكمة الأسرة
تهاني لـ محكمة الأسرة: طلقني عشان ميدفعش نفقة ودلوقتي بيتهرب من حق عياله
قصدت «تهاني» محكمة الأسرة حتى ترفع على زوجها دعوى نفقة، في محاولة أخيرة منها أن تحافظ على حياة أولادها الذي دمرها والدهم الذي لم يصرف عليهم او يرعاهم مثل أي أب، وبعد فشل الزوجة في إصلاح حياتها معه توجهت لمحكمة الأسرة لتحصل على حقوقها لتفاجئ بتهرب زوجها من إعطائهم أي من حقوقهم وكانت حجته أنه بيصرف على إخواته.
قصص محكمة الأسرة.. يارتني ما سمعت كلام الناس
قالت «تهاني» في بداية حديثها: «أنا متجوزة بقالي 11 سنة معايا ولدين من جوزي، كان جواز صالونات ومعرفناش بعض كويس قبل الجواز، وكله قالي بعد الجواز هتعرفوا بعض أكتر وكفاية انه محترم ومن عيلة وسمعت كلامهم ويارتني ما سمعته».
دعاوي محكمة الأسرة.. العيال معتبرينه مش موجود
أكملت «تهاني» حديثها وقالت: «بعد الجواز كان كويس جدًا لكن بعد خلفة ابني التاني اتبدل وبقى واحد تاني وعلى طول في مشاكل بسبب ومن غير سبب ومبهدل الدنيا على المصاريف، مبيصرفش علينا غير على القد وانا كنت بشتغل واساعده لكن هو مبيسألش فينا خالص وعايش حياته لنفسه وبس، حتى العيال لما بيطلبوا حاجة بيطلبوا مني بس كأنه مش موجود».
حكايات محكمة الأسرة..طلقني عشان مخدش نفقة زوجية
تابعت «تهاني» حديثها قائلة: «حاولت كتير معاه إنه يتعدل لكن مفيش فايدة لما لقيت الحياة معاه ملهاش لزمة سيبته ورفعت عليه قضية نفقة عشان أخد حقي أنا وولادي لكن معرفتش أخد منه حاجة لما رفعت نفقة زوجية طلقني عشان ميدفعش حاجة ورفعت عليه قضايا نفقة للولاد».
قضايا محكمة الأسرة.. بلف وراه في المحاكم
أنهت «تهاني» حديثها قائلة: «بعد ما رفعت قضية نفقة للولاد بان على وشه الحقيقي قدم ورق إنه بيصرف على إخواته الصغيرين وده محصلش هو كان بيديهم فلوس فعلًا بس مكنش متولي مصاريفهم، وقال في المحكمة إنه موظف غلبان معهوش وهو بيقبض 10 آلاف جنيه، ولما كلمته قال مانتي بتشتغلي وتصرفي عايزه النفقة ليه، ولحد دلوقتي كش عارفة أخد حق ولادي وبلف وراه في المحاكم كل مرة بيطلع حجه مختلفة عشان ميدفعش ومبيسألش فيهم ولا بيشوفهم من ساعة القضايا».
تابع أحدث الأخبار عبر
