أخبار محكمة الأسرة اليوم
5 سنين سعادة انتهت بمأساة.. «سهر» اختارت ابنها فطلقها زوجها
أقامت «سهر» دعوى نفقة ضد زوجها بمحكمة الأسرة للحصول على حقوق ابنها المادية، بعد امتناعه عن الانفاق على الطفل، لعدم رغبته في الإنجاب منها، وأكدت الشاكية أن زوجها هددها بالقتل ما دفعها للتوجه لمحكمة الأسرة لتحصل على حقوق ابنها.
قصص محكمة الأسرة
قالت «سهر» في بداية حديثها: «اتجوزت من 2019، كان جواز صالونات، وفي الأول كان كويس ومفيش مشاكل، عمره ما زعلني ولا مخليني محتاجة حاجة وكنت فاكرة إن الحياة هتفضل كدة لكن كنت غلطانة».
دعاوى محكمة الأسرة..عايزني أسقط ابني
أكملت «سهر» حديثها وقالت: «الدنيا كانت تمام ومتخنقناش طول سنين جوزانا، لحد ما حصل حمل وقتها أنا فرحت جدا لكن هو لما عرف قالي أنا مش عايز العيل ده أنا مبصوت معاكي كدة واحنا مش محتاجين المسؤولية دي في حياتنا، حاولت اتكلم معاه وافهمه إن مينفعش أسقط مقتعنش وقال يا أنا يا العيل».
طلقني قبل الولادة بأسبوع
تابعت «سهر» حديثها قائلة: «فضل 9 شهور الحمل يحاول يديني براشيم عشان اسقط، وقبل الولادة بفترة مسكني ضربني وكان هيموتني العيل ضعف في بطني وكنت هموت واتحجزت في المستشفى بسببه، وكنت بين الحياة والموت، وقتها باس على رجلي وقال متدخلنيش السجن عشان العيل اللي جاي واتحايل عليا، وطلع بيعمل كل ده عشان محبسهوش ومعملش محضر ويتسجن، قبل الولادة بأسبوع طلقني وقالي مادام اختارتي العيل أنا مش عايزك ولا عايزه وجاب أهله وطلقني في بيتي».
قضايا محكمة الأسرة.. ميعرفش حاجة عن ابنه
أنهت «سهر» حديثها قائلة: «بعد ما ولدت حاولت أكلمه عشان نرجع لبعض أو يشوف ابنه، رفض وقالي انتي اختارتيه بدالي اتحملي نتيجة اختيارك، ومتشحططة في المحاكم عشان النفقة وميعرفش حاجة عن ابنه من ساعة ما اتولده».
تابع أحدث الأخبار عبر
