أخبار محكمة الأسرة
أمينة بدعوى نفقة : ملهوش كلمة والمحكمة هتجيب حق بنتى
هربت «امينة» من الحياة المؤلمة التي عاشتها مع زوجها ووصلت لأبواب محكمة الأسرة، ظنت الزوجة أنه مع انتهاء علاقتها بزوجها وحدث الطلاق بينهم ستنتهي المشاكل بينهم وسينتهي معها الأذى النفسي الذي عاشته معه لسنين، لكن ما حدث كان عكس توقعاتها، طال الألم الذي يسببه الزوج ابنتها التي لم يكن لها ذنب في الدنيا وتوجهت لمحكمة الأسرة لتعطيها أبسط حقوقها التي حرمت منها.
قصص محكمة الأسرة..مكنتش اعرف ان ممكن أطلق في يوم من الأيام
قالت «أمينة» في بداية حديثها: «أنا اتجوزت من ١١ سنة خلفت من جوزي بنت واحدة بس، ودلوقتي سايباه ومتطلقة منه بقالي ٧ سنين، كان جوازنا عادي زي أي اتنين، شافني واتقدملي وسألنا عليه طلع كويس واتجوزنا مكنتش اعرف ان ممكن نطلق في يوم من الأيام».
دعاوي محكمة الأسرة..بهدلني معاه ووراني ايام سودة
أكملت «أمينة» حديثها وقالت: «من ساعة ما اتجوزت وخلفت وانا في مشاكل مع جوزي المشاكل بينا كانت كتيرة جدا من زمان وكانت على اسباب كتيرة يا إما على المصاريف يا إما تحكمات كتير ملهاش لزمة يا إما خنافات تخص البيت والبنت كنا على طول في مشاكل وخناقات وهو مكنش بيتقي ربنا فيا وبني ادم مش مسؤول بهداني معاه ووراني ايام سودة».
حكايات محكمة الأسرة..بيشوف بنته في الرؤية بس
تابعت «أمينة» حديثها قائلة: «لحد ما حصل بينا الطلاق ووقتها كتبنا عقد اتفاق و هو مالتزمش إنه يدفع ١٢٠٠ نفقه للبنت دفع 4 شهور بس و بعد فسخ العقد عشان ملتزمش بيه قطع النفقة خالص، وده السبب اللي خلاني ارفع قضية نفقة ».
قضايا محكمة الأسرة..بنتي بتقول هاتي اب يعيش معانا
أنهت «أمينة» حديثها قائلة: « من ساعة الطلاق مش بيسأل على البينت وبيشوفها في الرؤيه و بيجي اسبوع و اتنين لا، غير إنه اتجوز وخلف بنت تانية و كل ما يجي الرؤيه بيجي بزوجته و بنته التانين، بيغيظ بنتي بعيلته التانية أنها كاملة جابلها عقده نفسيه بسبب أن أبوها مش معاها ومش جنبها في أي حاجة، نفسها يبقى معاها ابوها في كل حاجة في حياتها لدرجة أن هي بتقولي هاتيلي اب يعيش معانا ».
تابع أحدث الأخبار عبر
