أخبار محكمة الأسرة
شيرين تهرب من جحيم زوجة أبيها لنيران زوجها.. والقصة تنتهي بخلع في محكمة الأسرة
أقدمت «شيرين» على رفع دعوى خلع ضد شريك حياتها، الذي تزوجته فقط لتهرب من العذاب الذي عاشته مع زوجة أبيها لتفاجئ الزوجة بالجحيم الأبشع الذي عاشته مع زوجها، وقالت إنها عانت معه من البخل والإهانة، ما دفعها إلى التوجه لمحكمة الأسرة حتى تحصل على حريتها بعد محاولاتها العديدة أن تصلح حياتها معه حتى لا تعود لزوجة أبيها ولكنها كانت مضطرة.
قصص محكمة الأسرة.. مرات أبويا مبهدلاني
وقالت «شيرين» في بداية حديثها: «أنا اتجوزت من 6 سنين وخلفت من جوزي ولد وبنت، كان جواز صالونات أول ما اتقدملي وافقت عليه على طول وفرحت ان ابويا وافق عليه وهتجوز، كنت عايزة اهرب من البيت لأني مكنتش مستحملة أعيش مع مرات أبويا اكتر من كدة، كانت مبهدلاني ومشغلاني ومفيش حاجة عاجباها ومقدرش اشتكي عشان أبويا ميزعلش، كنت مستنية يبقالي بيت عايشة فيه مع ولادي».
دعاوى محكمة الأسرة.. استحملت عشان مرجعش للبهدلة تاني
أكملت «مها» حديثها وقالت: «من بعد الجواز أنا عرفت إن اللي كنت بحلم بيه مش هيتحقق بس فضلت أجدي على نفسي، جوزي كان بني آدم صعب جدا والحياة معاه مستحيلة ومحدش يستحملها، بس أنا استحملت عشان مرجعش للي كنت عايشة فيه وعشان ولادي ميتبهدلوش لو اتطلقت».
حكايات محكمة الأسرة..استقوى عليا بعد وفاة ابويا
تابعت «شيرين» حديثها قائلة: «كان الأول بيضربني بس بطل لانه لما كان بيضرب كنت بسيبه وامشي فبطل الضرب لكن لما ابويا مات استقوى عليا وبقى مبيصرفش على البيت وبيبهدلني ضرب وإهانة بسبب ومن غير سبب، لحد ما تعبت منه وسيبت البيت لأني بقيت عايشة معاه خايفة من اللي هيعملوا فيا».
قضايا محكمة الأسرة..محرومة من ولادي
أنهت «مها» حديثها قائلة: «اضطريت ارجع لبيت أهلي ودلوقتي أبويا مات ومفيش غيري أنا ومرات ابويا، وطبعا لسه زي ما هي، وسايباله البيت بقالي شهرين دلوقتي، والعيال معاه خفت اخدهم عشان مرات ابويا متعملش معاهم اللي عملته معايا ومش بيخليني اشوفهم حتى، وجيت المحكمة عشان ارفع عليه قضية خلع واخلص منه واحاول اشوف عيالي».
تابع أحدث الأخبار عبر
