محكمة الأسرة اليوم
منال في دعوى خلع: محرمني أنا والعيال نبص من البلكونة
دعوى خلع قصدتها منال في محكمة الأسرة بعد12 عام من الخلافات والمشكلات المستمرة بسبب الزوج الذي يفتعل المشاجرات من اللاشيء، حاولت التأقلم كثيرَا ولكنها فشلت ما جعلها تفكر في الانفصال الحتمي لتنقذ حياتها هي والأولاد من التقييد الذي يلزمها.
قصص محكمة الأسرة.. في الخطوبة كام حد تاني
من قبل ما اتجوزه وهو شديد في التعامل بس مكنتش أعرف إنه هي زيد بعد الجواز"، كانت هذه الكلمات الأولى التي بدأت بها منال حكاياتها لقاضي محكمة الأسرة مؤكدة على أنها لم تتوقع أن زوجها يكون بهذه الشخصية الصعبة بعد الزواج، استرجعت الزوجة حياتها أثناء الخطوبة قائلة: "كان كويس معايا وبيعملي كل اللي أنا عايزاه وممكن كان بيبقى عصبي ساعات بس العادي في المواقف الكبيرة بس مش عمال على بطال، وأنا قلت في الجواز أكيد هيتغير".
حكايات محكمة الأسرة.. مخلي حياتي جحيم
تحطمت كل آمالها في التمتع بحياة سعيدة ومستقرة في عش زوجية هادئ، وفوجئت بحياتها المليئة بالمشادات والمشاجرات طوال الوقت تقريبًا، تستكمل منال حكاياتها وتقول: "أول ما اتجوزنا لقيته بقا يتعصب على أقل حاجة وطول الوقت زعيق وخناق على أتفه حاجة والمشاكل بينا كبرت والأهل اتدخلوا كتير بينا عشان يحلوا المشاكل، وفكرت كتير في الطلاق قبل كدا بس قلت لا بلاش ولازم استحمل عشان البيت والعيال.
روايات محكمة الأسرة.. محرمني نبص من الشباك أنا والعيال
تفاقمت المشكلات بينهما بسبب تشدد الزوج في التعامل معها هي والأولاد، تستكمل حديثها قائلة: "موريني الويل أنا والعيال بسبب أسلوبه اللي زي القرف، والمشاكل عمال تزيد بينا وانا مش عارفة اتعامل معاه، ووصل معاه الحال إنه منعني من الخروج أنا والعيال، ومحرمني نبص من البلكونة حتى أنا والعيال"، أنهت نهى حكاياتها: "زهقت من العيشة معاه وانا مش عارفة اتعامل معاه خالص وطول الوقت خناق أنا وهو ليل ونهار، اخر ما زهقت رفعت عليه قضية خلع".
تابع أحدث الأخبار عبر
