أخبار محكمة الأسرة
مها لـ محكمة الأسرة : سرق عفشي واتجوز عليا
توجهت «مها» برفع دعوى نفقة على زوجها بعد ما دمر حياتها هو واهله ولم يصونها، بعد سنين من الإهانة والإهمال عاشتهم الزوجة بسبب زوجها وأهله الذي عاشت معهم في بيت العائلة سرق الزوج عفشها ليتزوج به تاركها وحدها دون سؤال واضطرها أن تتوجه لمحكمة الأسرة لتبحث عن حقوق أبنائها الذي اهملهم والدهم مثلما اهملها
قصص محكمة الأسرة..مش عايزة اتبهدل في المحكمة
«مفيش واحدة عايزة تبهدل نفسها وتبهدل ولادها في المحاكم احنا بنكون مضطرين» هذا ما بدأت به «مها» حديثها معبرة عن أزمتها مع زوجها التي اوصلتها لمحكمة الأسرة وبدأت في رواية قصتها وقالت:« أنا متجوزة من 15 سنة ومعايا من جوزي ولد وبنت ومطلقة بقالي 8 سنين طلاق ودي عند المأذون، كان جواز عادي زي الناس كلها وكنا عايشين في بيت العيلة».
دعاوي محكمة الأسرة..بهدلني هو وأهله
أكملت «مها» حديثها وقالت: «من ساعة ما اتجوزت وانا شفت بهدلة كتير بسبب هو واهله كانوا مطلعين عيني ومبهدلني لو حكيت الحجات اللي عملوها معايا محدش هيصدقها كنت بشتغل في البيت ليل ونهار وبعد كل ده ضرب واهانة وشتمية من أهل جوزي ومنه هو كمان ».
حكايات محكمة الأسرة..سرق عفشي واتجوز عليا
تابعت «مها» حديثها قائلة: «استحملت ومرضيتش اتطلق عشان ولادي، لحد ما لقيت جوزي في يوم بيسرق عفش البيت ولما سالته ضربني وكان هيموتني في ايده، وبعد كدة عرفت انه اتجوز والعفش ده واخده ليها، وبقى لما اطلب منه العفش يبهدلني كنت بتهان ويتقل مني وقولي هبيعك هدومك، كنت قاعدة عشان خاطر العيال مش عايزة عيل يتبهدل، لحد ما طلقني ورماني انا والعيال».
قضايا محكمة الأسرة.. انا اللي بقيت اصرف على ولادي
أنهت «مها» حديثها قائلة: «باجي المحكمة عشان قضية النفقة عشان اعرف اصرف على البيت وعلى العيال هو راميهم ومش بيسأل عليهم ولا بيصرف أنا اللي بقيت اشتغل واصرف، لان حتى النفقة اللي اتحكملي بيها 1000 جنية مش بيكفوا حاجة ولا ايجار ولا مصاريف العيال وعندي بنتي الصغيرة تعبانة ومحتاجة العلاج ومش بعرف أخدهم منه كاملين حتى ».
تابع أحدث الأخبار عبر
