أخبار محكمة الأسرة
محكمة الأسرة .. نوال في دعوى نفقة: مشافش ابنه من وهو لحمة حمرا
دعوى نفقة أقامتها نوال في محكمة الأسرة بعد 6 سنوات من المحايلة على طليقها برؤية أولادها أو الإنفاق عليهم ولكنه مصر على رفضه، عندما وجدت أن المعاملة الطيبة لم تحل لها هذا الخلاف قررت أخذ حق أولادها من خلال محاكم الأسرة ورفع دعوى نفقة.
قصص محكمة الأسرة .. بتحايل عليه عشان يديني مصاريف العيال
كانت الكلمات الأولى التي بدأ ت بها نوال حديثها لقاضي المحكمة هي: "بتحايل عليه عشان يشوف عياله وهو مش فارق معاه أصلا، حتى المصاريف مبيهونش عليه يبعت حتي للعيال بقاله 6 سنين"، تستكمل رواياتها قائلة: "كانت سبب الطلاق إنه سايبنا طول النهار من غير سبب وكل ما أقوله اقعد معانا وارعى عيالك يقولي ملكيش دعوة وأنا أعمل اللي أنا عايزه".
حكايات محكمة الأسرة .. كان وجوده في البيت زي عدمه
تمادت المشكلات بينهما بطريقة مبالغ فيها جعلتها تفكر في الطلاق ولكنها وضعت أولادها الصغار في الحسبان مع أنه لا يعرف أي شيء عنهما، تابعت: "اتغير معايا من بعد خلفة العيل الأول وأنا مش عارفة السبب وبقا على طول سايبنا وكل خناقتنا بسبب الموضوع دا، حتى مصاريف مبيسبش"، أَضافت نوال: "نزلت اشتغل عشان اصرف على العيال وعشان معملش مشاكل وبقيت أنا اللي بصرف على كتل حاجات البيت من أوله وأخره وهو ميعرفش حاجة عننا انا والعيال".
قضايا محكمة الأسرة .. مشافش ابنه من وهو لحمة حمرا
عندكما وجدت أنه لا جدوى من محاولاتها التي تهدرها مع زوجها قررت التوجه إلى محكمة الأسرة طلبت الطلاق وبالفعل تم الطلاق بينهما ولكن المشكلات وتفاقمت أكثر وأكثر بعد الطلاق بسبب رفضه رؤية الأولاد أو حتى الإنفاق عليه، كانت دعوى النفقة في النهاية هي الحل الذي قصدته حتى تأخذ مصروفات أولادها من طليقها، أضافت: "كلمته مرة واتنين عشان يشوف ابنه اللي طلقني وهو كان لحمة حمرا مش راضي ولا حتى راضي يبعت للعيال أي فلوس"
تابع أحدث الأخبار عبر
