أخبار محكمة الأسرة
محكمة الأسرة ومآسيها..عصمت: بيهددني أنا وعيالي وبيقولي قابليني لو خدتي قشاية
اضطرت “عصمت” أن تتوجه لأبواب محكمة الأسرة لتشتكي زوجها الذي سرق منها حقوقها كاملة ولم يكفيه ما سرقه من عشها وبيتها وأموالها لكنه سرق أيضا عمرها، منذ زواجها منه لم يقدرها أو يحترمها ودمرها ودمر حلمها في أن تعيش حياة طبيعية مع زوجها وابنائها
وعندما طلبت الانفصال بشكل ودي ما وجدته هو ما عاشته طوال حياتها معه هو الإهانة والقسوة عليها وعلى والدتها، لتهرب لمحكمة الأسرة وترفع دعوى خلع ونفقة لتحصل على حقوقها وحقوق أبنائها وتقف في مواجهة زوجها
قصص محكمة الأسرة.. أهلي كانوا رافضينه عشان فرق التعليم بينا
قالت «عصمت» في بداية حديثها: «انا متجوزة بقالي 5 سنين معايا من جوزي ولد وبنت واتعرفت عليه عن طريق ناس صحابي وكان جواز عن حب اتجوزته بالرغم من رفض اهلي عشان فرق التعليم بينا، بس وافقوا عليه عشان خاطري وعشان شافوني فرحانة».
دعاوي محكمة الأسرة..بتضرب من أول أسبوع
أكملت «عصمت» حديثها وقالت: «من اول أسبوع جواز ضرب واهانه وبهدلة بسبب ومن غير سبب وفرجة جيران والناس ف الشارع بتخاف منه لأنه بلطجي وسمعته وحشة هو واهله وانا كنت معرفش حاجة من الكلام ده غير بعد الجواز انا اللي كنت بصرف عليه، مكنش بيشتغل وقاعد غي في البيت ويقولي إذا كان عجبك وده اللي عندي».
حكايات محكمة الأسرة.. مش عارفة أخد هدومي
تابعت «عصمت» حديثها قائلة: «بهدلني معاه بعد ما وخسرت أهلي علشانه ومفيش ليه كبير اشتكيه، ولما هربت منه وسيبت البيت بسبب بهدلته ليا رحت عند أهلي فرج الناس عليا انا ووالدتى اتخانق معانا وضربني وكان هيضربها ورفض يطلقني وقالي مش هيديني قشاية من البيت وفعلًا معرفتش أخد حاجة منه حتى هدومي انا وعيالي».
قضايا محكمة الأسرة.. بيهددني أنا وولادي
أنهت «عصمت» حديثها قائلة: «من ساعة ما سيبته معرفتش أخد منه حاجة ولا القايمه ولا مصاريف للولاد وعندي بنت عندها 10 شهور مبيسألش فيها، ورفعت عليه في المحكمة قضية خلع ونفقة ولما عرف بالقضايا كلمني بهدلني وشتمني وقالي هيموتني أنا وولادي».
تابع أحدث الأخبار عبر
