محكمة الأسرة
«عايش لـ كيفه».. هاجر: محرومة من ولادي عشان مليش مكان أخدهم فيه
محكمة الأسرة كانت نهاية تحمل هاجر لزوجها الذي أصبح لا يصرف عليها او يقدرها بسبب إدمانه للمخدرات الذي أخفاه عليها، وفي النهاية طردها من بيتها واضطرها أن تترك أطفالها لأن لا مأوى لهم مع والدتهم حرمها من أن تراهم وتكون في حياتهم حتى يعاقبها على تركها له، وتوجهت الزوجة لمحكمة الأسرة حتى تنقذ ما تبقى من عمرها.
قصص محكمة الأسرة..جوزي كان راجل كويس ومفيش منه مشاكل
قالت «هاجر» في بداية حديثها: «أنا متجوزة جواز صالونات من 11 سنة معايا 3 أولاد واحد أولى إعدادي ورابعة وأولى ابتدائى، سايبه جوزي دلوقتي بقالي شهرين، هو الأول كان راجل كويس ومفيش منه مشاكل لكن كل ده اتغير بعد كده».
دعاوي محكمة الأسرة..مشاكلي العادية وكنت بغضب عند ابويا
أكملت «هاجر» حديثها وقالت: «مشاكلي معاه في الأول كانت عادية وكنا زي أي اتنين ولما كانت المشكلة بتكبر كنت باخد ولادي وأروح اقعد عند أبويا شوية وهو يرجعني ويصالحني، والدنيا كانت ماشية هو كان راجل زي باقي الرجالة وكان أب كويس لولاده بيقلب ساعات بس بيرجع كويس تاني».
حكايات محكمة الأسرة.. بصرف من ورث أبويا
تابعت «هاجر» حديثها قائلة: «لحد ما بقى مبيصرفش ولا على البيت ولا على الولاد بيشتغل ومعاه فلوس وبيبخل عليا مكنش كده في الأول من سنة بس بطل يصرف خالص فجأة كدة، لحد ما اكتشفت انه بطل يصرف عشان بيشرب مخدرات بيشرب بقاله كتير وفلوس الشغل كان بيصرفها على المخدرات وأنا معرفش، طلع بيشرب من قبل ما نتجوز وعرفت بس بعد ما اتجوزنا، انا كنت بتصرف واصرف من ورث ابويا عشان امشي الدنيا».
قضايا محكمة الأسرة.. سيبت العيال عشان ملهمش مكان معايا
أنهت «هاجر» حديثها قائلة: «سيبت لما تعبت من كل خناقة يقولي خدي العيال وامشي عشان يريح دماغه لكن اخر مرة سيبتله العيال لان مفيش مكان اخدهم يقعدوا معايا يقعدوا في كل مرة كنت باخدهم معايا لكن مقدرش دلوقتي، ومن ساعتها مش بيخليني اشوفهم ولا اعرف عنهم حاجة بس طبعا مبيصرفش عليهم غير قليل ،وجيت ارفع عليه قضية خلع».
تابع أحدث الأخبار عبر
