"بتحب في التليفون".. حسين لقاضي الأسرة: ابن عمها مديها فلوس عشان تخلعني

سنوات من الاستقرار عاشها حسين مع زوجته في منزلهما، تكاد تكون حياة مثالية بمعنى الكلمة، زوجان متفاهمان دون أي مشكلات أو خلافات، ولكن بدأت التلكيكات والحجج تظهر من قبل الزوجة في أصغر المواقف ومن هنا انقلب حالها رأسًا على عقب ليتفاجأ الزوج بالحقيقة الكاملة بعد إقامتها دعوى خلع ضده في محكمة الأسرة. 

قصص محكمة الأسرة.. حياتنا كانت زي الفل 

علم حسين بدعوى خلع أقامتها زوجته ضده بعد مشكلات صغيرة كانت هي السبب الأساسي في افتعالها، لم يفهم الزوج ما السبب الحقيقي وراء كل هذا، تابع لقاضي المحكمة: "حياتنا كانت كويسة جدا ومفيش أي مشاكل خالص وعايشين مع عيالنا والدنيا جميلة بدأت المشاكل بقل تكتر بينا على حاجات تافهة وبقت تتلكك على أي حاجة عشان تعمل مشكلة وخلاص، كنت بسيبها ومكنتش فاكر إن الموضوع هيكبر بس سابت البيت في شهر واحد اللي فات ولقيتها رافعة عليا قضية خلع، استغربت ومكنتش فاهم إية السبب أصلا".

اقرأ أيضا

حكايات محكمة الأسرة.. أميرة: خاطف بنتي بقاله سنة ومش عارفة أوصلها

عجائب محكمة الأسرة.. ابن عمها مديها فلوس عشان تتطلق مني

حاول الزوج مصالحتها أكثر من مرة كي تعود للمنزل ولكنها فاجأته بدعوى خلع أقامتها ضده في محكمة الأسرة تريد بها الفرار من حياتها معه دون سبب واضح، تأكد الزوج أن هناك سبب خفي لا يعرفه لابد من التوصل إليه، يستكمل حسين باقي قصته: "عرفت هي ليه سابت البيت ورفعت الخلع، وعرفت ابن عمها ورا كل دا وهو اللي خلاها ترفع قضية خلع عشان هما متفقين على الجواز بقالهم فترة من قبل ما تسيب البيت، وهو اللي كان مرتبها كل حاجة عشان تخلعني وكمان كان مديها فلوس عشان توافق على الطلاق منه".

عجائب محكمة الأسرة.. كانت بتحب في التليفون ومستغفلاني

استكمل الزوج حكاياته وعلامات التعجب تعتري وجهه لما يشاهده من زوجته وقال: "مش مصدق نفسي لحد دلوقتي، مكنش جاي في بالي إنها تعمل فيا كدا، اختها اكددتلي إن أبن عمها مخططلها كل حاجة من قبل ما تسيب البيت وكانت عايشة حياتها وبيتكلموا في التليفون كمان"، أنهى حكايته قائلا: "في مرة كلمها الساعة واحدة بليل ورديت عليه وزعقتله وقلتله متتصلش هنا تاني، زعلت وسابت البيت، مكنش في دماغي حاجة بس فهمت دلوقتي اللي كان بيحصل".

تابع أحدث الأخبار عبر