أخبار محكمة الأسرة
جحود الأبناء.. حسين لـ محكمة الأسرة: ولادي واخدين صف أمهم عشان فلوسها
بعد عِشرة السنين بين الزوجين تواجد «حسين» على أعتاب محكمة الأسرة حزينًا على قسوة القلب من زوجته وأولاده، الذين رباهم ورعاهم وكبرهم وفي النهاية تركوه وحده دون سؤال، واختاروا صف والدتهم لأنها صاحبة المال، ولم يكفيهم تركهم لوالدهم دون سؤال ولكن رفعوا عليه قضايا في محكمة الأسرة حتى يعكروا صفو حياته ولم يقدروا والدهم أو يراعونه.
قصص محكمة الأسرة..مراتي سبب الانفصال
قال «حسين» في بداية حديثه: «أنا كنت متجوزة بقالي ١٨ سنة وانفصلت أنا ومراتي من سنتين، وولادي كبار في ثانوي وجامعة، انفصلنا لأن مراني هي اللي طلبت كدة، احنا كنا كويسين ومفيش مشاكل وانا كنت بتقي ربنا فيها وفي ولادي طول السنين دي لكن هي مقدرتش ده».
دعاوي محكمة الأسرة..لما ربنا كرمها بقت مش عايزاني
أكمل «حسين» حديثه وقال: «من زمان ومراتي بتشتغل وأنا بساعدها في البيت ومع الولاد لكن هي من قريب فتحت شركة وربنا فتحها عليها وبقى معاها فلوس كتير وأول ما ربنا كرمها مبقتش عايزاني ولا عايزة تكمل معايا، ومكفهاش كده وبس لا ده كمان خدت العيال معاها».
حكايات محكمة الأسرة..ولادي مبيسالوش فيا
تابع «حسين» حديثه قائلًا: «ولادي في صفهم ومعاها لأنها معاها فلوس اكتر وسابوني ومسالوش فيا ومشيوا معاها، لما طلبت الطلاق انا رفضت اطلق عشان مش عايز اخرب بيتي بهدلتني في المحاكم هي والولاد ».
قضايا محكمة الأسرة..ولادي شايفين اني مش من مستواهم
أنهى «حسين» حديثه: « رفعت عليا قضية نفقة بالعند هي والولاد، اتحكم لي بمبلغ وبدفعوا في المحكمة لأنهم حتى مش عايزين يقابلوني وياخدوا مني الفلوس، أي فلوس هيديهالهم رافضينها ومش مكفياهم وعلى طول بيطلبوا زيادة ومفيش حاجة عجباهم، الولاد عدوا السن القانوني وهما اللي رافعين القضايا مسحبوش ولا جنية من النفقة لانهم مش محتاجين بس هما ماشيين معايا بالعند، هي رافضة كل الحلوب الودي، وهما مقدروش انهم عاشوا معايا من زمان وهي كانت بعيدة عنهم ومش قريبة منهم خدوا شقة في مكان كويس وبقوا شايفين اني مش من مستواهم خلاص».
تابع أحدث الأخبار عبر
